കയ്യും തലയും പുറത്തിടരുത്‌

Related Posts Plugin for WordPress, Blogger...

Friday, May 17, 2013

ഇപ്പോള്‍ ഫേസ്ബുക്ക് വാര്‍ത്തകള്‍ , വായിക്കുന്നത് ഓണ്‍ലൈന്‍ കിട്ടു


ആച്ച്വല്ലി ഇപ്പോള്‍ നിങ്ങള്‍ കേള്‍ക്കാന്‍ പോണത് ഫേസ്ബുക്ക് വാര്‍ത്തകള്‍ ....
ഓണ്‍ലൈന്‍ ക്വട്ടേഷന്‍ സംഘത്തിന്റെ ആക്രമണമേറ്റ് പ്രമുഖ ബ്ലോഗര്‍ കുഞ്ഞാപ്പുവിന്റെ വെളുത്തുള്ളിക്ക് നാറ്റമില്ല എന്ന ബ്ലോഗ് ഗുരതരാവസ്ഥയില്‍ ...

'ലെഫ്‌റ്റെവിടെ സഖാക്കളെ ' എന്ന കുഞ്ഞാപ്പുവിന്റെ പോസ്റ്റില്‍ പ്രകോപിതരായ ഒരു കൂട്ടം പാര്‍ട്ടിക്കാരാണ് ബ്ലോഗിനെ ചവിട്ടിക്കൂട്ടിയത്..

വെളുത്തുള്ളിക്ക് നാറ്റമില്ല എന്ന ബ്ലോഗിലെ കമന്റ് ബോക്‌സിലേക്ക് ഇപ്പോള്‍ ആര്‍ക്കും കയറാന്‍ വയ്യാത്ത നാറ്റാവസ്ഥയിലാണ്..

കുഞ്ഞാപ്പുവിന്റെ പോസ്റ്റിന്നെതിരെ 'ഇത് ഭരണമല്ല, വിഴുപ്പലക്കലാണ്'എന്ന ടൈറ്റിലില്‍ സെലിബ്രിറ്റി ബ്ലോഗര്‍ വേലായുധനും ഒരു പോസ്റ്റിട്ടിരുന്നു..

അതിന്റെ കമന്റ് ബോക്‌സും വൃത്തിയാക്കാന്‍ ഇനി മുനിസിപ്പാലിറ്റിക്കാരെ വിളിക്കേണ്ട അവസ്ഥയാണ്..

ഓണ്‍ലൈന്‍ ലോകത്തെ ഇത്തരം മാലിന്യങ്ങള്‍ നിക്ഷേപിക്കാനായി ഒരു വമ്പന്‍ പ്ലാന്റ് തന്നെ നിര്‍മിക്കണമെന്ന ആവശ്യത്തോട് ഇത് വരെ ഗവണ്‍മെന്റ് അനുകൂലമായ നിലപാടെടുത്തിട്ടില്ല.....

ഈ വിഷയപരായി സംസാരിക്കാന്‍ നമ്മുടെ ബ്ലോഗര്‍ കുഞ്ഞാപ്പു ലൈനിലുണ്ട്.....

കിട്ടു - ഹലോ .. കുഞ്ഞാപ്പു .. കേള്‍ക്കാമോ.. കൂയ് കൂയ്.. കേള്‍ക്കാമോ...

കുഞ്ഞാപ്പു- കൂവിയാര്‍ക്കണ്ട സര്‍ .. എനിക്ക് ഉജ്വലമായി കേള്‍ക്കാം...

കിട്ടു- മിസ്റ്റര്‍ കുഞ്ഞാപ്പു .. സത്യത്തില്‍ എന്താണ് , എന്താണ്...

കുഞ്ഞുപ്പു- എന്ത്വ്..?

കിട്ടു- ഓ.. സോറി.. എന്താണ് സംഭവിച്ചത് എന്നാണ് ഐ മീന്‍..

കുഞ്ഞാപ്പു- എന്തൂട്ട സംഭവിക്കാന്‍ സാറേ...
കുറേ കൊഞ്ഞാണന്‍മാര്‍ എന്നെ തന്തക്ക് വിളിച്ചു.. അപ്പം ഞാന്‍
അവരുടെ തള്ളക്കും വിളിച്ചു,... ഒരു മ്യൂച്ചല്‍ അണ്ടര്‍ സ്റ്റാന്റിംഗ്....

കിട്ടു- ഇതൊക്കെ ശരിയാണോ..  മോശമല്ലേ....

കുഞ്ഞാപ്പു- എന്തൂട്ട് മോശം.... ഇതൊക്കെ ന്യൂസാക്കുന്ന നീയല്ലേടാ കോപ്പേ അതിനേക്കാള്‍ മോശം...

കിട്ടു- ഹലോ ഹലോ ഹലോ .. കേള്‍ക്കുന്നില്ല..(ഹലോ കമ്പിളിപ്പുതപ്പ്)
ഹലോ കേള്‍ക്കുന്നില്ലാ  കേള്‍ക്കുന്നില്ലാ.....

ലൈന്‍ കട്ടായെന്ന് തോന്നുന്നു.... ഈ വിഷയത്തെ അധികരിച്ച് സംസാരിക്കാന്‍ ആക്റ്റിവിസ്റ്റ് കണാരന്‍ ലൈനിലുണ്ട്....

കിട്ടു- ഹലോ കണാരന്‍ സര്‍ .., ഓണ്‍ലൈനില്‍ നടക്കുന്ന ഈ കാലുഷ്യങ്ങളെ നിങ്ങള്‍ എങ്ങനെ കാണുന്നു.....

കണാരന്‍- ഞാനെന്താ പറയ്യ്വാ മോനേ.. ആകെ മൊത്തം ടോട്ടല്‍ നമുക്കങ്ങ് മനം മടുക്കം... നമ്മ ആക്ടവിസ്റ്റ്കള്‍ അപ്‌ഡേറ്റ് ആകണ്ടേ എന്ന് കരുതിയാ ഫേസ്ബുക്കില്‍ വരാന്‍ തുടങ്ങീത്...

ഇന്നാള്ണ്ട് നന്‍മയില്‍ നടക്കാം എന്ന് ഫേസ്ബുക്ക് ഗ്രൂപ്പില്‍ മുട്ടന്‍ ഇടി നടക്കുന്നു..മതമുള്ളോരും ഇല്ലാത്തോരും തമ്മില്‍ വല്ലാത്ത വഴക്കും വക്കാണോം... ദൈവമുണ്ടോ ഇല്ലേ എന്നതാ ചര്‍ച്ചാ വിഷയം..

അവര്‍ക്ക് അവരുടെ വിശ്വാസം അനുസരിച്ചങ്ങ് ജീവിച്ചാ പോരേ..
മറ്റുള്ളോരും അങ്ങനെ തന്നെ ആവണം എന്നെന്തിനാ ഇത്ര വാശി..

ഇടിയും കുത്തും വളരെ ജോറായങ്ങനെ നടക്കുമ്പോഴാണ് പവര്‍ക്കട്ട് വന്നത്... കുറച്ച് കഴിഞ്ഞപ്പോ യുപിഎസ്സിന്റെ കാറ്റും തീര്‍ന്നു...
ഹോ.. ആര്യാടന്‍ കാത്തു..

കിട്ടു- ഇതിനെ എങ്ങനെ മറികടക്കാം എന്നാണ് കണാരന്‍ സര്‍ പറയുന്നത്..

കണാരന്‍- അതിപ്പോ.. ആ പഹയനില്ല.. എന്്തൂട്ടാ... സുക്കന്‍ ബര്‍ഗോ..
ഇത് കണ്ട്പിടിച്ച മൊതലാളി....
അമന്റെ കഴുത്തിന് പിടിച്ച് ഇതിന് സമാധാനം കണ്ടിട്ട് പോയാ മതീന്ന് പറയണം.. അല്ലാതെ നമ്മളെന്ത്ട്ട് ആക്കാനാ....

കിട്ടു- കണാരേട്ടാ.. ഇത്രേം നേരം ഈ വിഷയത്തെ സൈദ്ധാന്തികമായി വിവക്ഷിച്ചതിന് ഒത്തിരി നന്ദി....

ഇനി കൂടുതല്‍ ഫേസ്ബുക്ക്് വാര്‍ത്തകളുമായി വരും വരേക്കും നന്ദി നമസ്‌കാരം ....

- ഓണ്‍ലൈന്‍ കിട്ടു ഫ്രം കട്ടപ്പൊക ഗ്രൂപ്പ്..




7 comments:

ലൈക്കിറ്റ്

ഇതിനെ കുറിച്ച് ഫേസ്ബുക്കില്‍ ഒരു ചര്‍ച്ച സംഘടിപ്പിക്കുന്നുണ്ട് ,വൈകുന്നേരം കാണുമല്ലോ അല്ലെ ?

അയ്യോ .. സിയാഫ്ക്കാ.. ഞാനിതാ ജീവനും കൊണ്ടോടി..........

ആക്ഷേപം കൊള്ളാം വാര്‍ത്ത പടക്കുന്ന പടപ്പുകളെ കൊട്ടിയതാ അല്ലേ

This comment has been removed by the author.

Post a Comment