കയ്യും തലയും പുറത്തിടരുത്‌

Related Posts Plugin for WordPress, Blogger...

Wednesday, December 19, 2012

മാട്രിമോണിയല്‍ കിട്ടു


രണ്ടോളം ബ്ലോഗുകളുടെ മുതലാളിയും ..,
സ്വന്തമായൊരു ഫേസ്ബുക്ക് പ്രൊഫൈലിനുടമയുമായ
ആനന്ദ തന്തുലിതനായ ഓണ്‍ലൈന്‍ കിട്ടുവിന് വധുവിനെ ആവശ്യമുണ്ട്..

ലതിന് ഉണ്ടായിരിക്കേണ്ട ക്വാളിഫിക്കേഷന്‍സ് കീഴെ നിരത്തുകയാണ്..

1-തത്തുല്യ യോഗ്യത വേണം..
(2500 ലധികം ഫേസ്ബുക്ക് ഫ്രണ്ട്‌സ് വേണം എന്നല്ല കിട്ടു മീന്...... തെറ്റായി തിങ്കരുത് പ്ലീസ്- think)

2- എഴുത്തിന്റെ അസുഖമുള്ളവര്‍ക്ക് പിന്‍ഗണന...
(പയ്യന്‍ കിട്ടു എഴുത്തുകാരനാണല്ലോ.. അപ്പൊ പയ്യത്തിയും എഴുത്തുകാരിയായാല്‍ ഈഗോ ക്ലാഷ് ഉണ്ടാകാന്‍ സാധ്യതയുണ്ട്... ആകെ മൊത്തം ടോട്ടല്‍ ലൈഫൊരു ക്ലീഷേ ആയിപ്പോയാലോ..)
-ക്ലീഷേയോ.. അതെന്തോന്ന്......
ആ... പാര്‍ട്ടിക്ലാസിന് ക്ൃത്യമായി വരാത്തതോണ്ടാ ഉത്തമാ തനിക്കിമ്മാതിരി ഞഞ്ഞാ പിഞ്ഞകള്‍ തിരിയാത്തത്.

3- ചായ ,കാപ്പി തുടങ്ങിയതുകള്‍ സൃഷ്ടിക്കാനുള്ള ടാലന്റില്ലേലും കുഴപ്പം ല്ല്യ..
(അതൊക്കെ ഹോട്ടലീന്ന് അഡ്ജസ്റ്റ് ചെയ്യാം)

ബ്ലോഗും എഫ് ബി യും അപ്‌ഡേറ്റ് ചെയ്യാനൊക്കണം അവള്‍ക്ക്്..
- കിട്ടു പനി വന്ന് കിടപ്പിലായാലും ലതൊക്കെ മരിച്ച വീട്‌പോലെയായി കാട് മൂടരുതല്ലോ....

4- സ്ത്രീധനമായി ഒന്നും സ്വീകരിക്കുന്നതല്ല..
(അണ്‍ലിമിറ്റഡ് നെറ്റ് കണക്ഷന്‍ തരൂവാണേല്‍ പരിഗണിക്കാം കെട്ടോ)

5- പിന്നെ ഒത്തവണ്ണം., നിറം , ചുറ്റളവ്., വിസ്തീര്‍ണം... എല്ലാം ആയിരിക്കണം.. - ഇതേപറ്റി കിട്ടു മുമ്പ് പറഞ്ഞിട്ടുണ്ട്...

6- കിട്ടു ഓഫീസിലിരുന്ന് ടൈപ്പുന്ന കമന്റുകള്‍ക്കെല്ലാം നിര്‍ദാക്ഷിണ്യം ലൈക്കടിക്കുന്നവളായിരിക്കണം..

--------------------------------------------------------------------ബ്ലോഗിലായതുകൊണ്ടാ മാട്രിമോണിയല്‍ പരസ്യം ഇങ്ങനെ..
ഇതേ കാര്യം ഇന്നലത്തെ പത്രത്തില്‍ വന്നത്...

- സുമുഖനും സുന്ദരനും സുശീലനുമായ യുവാവ്.. അഞ്ചടി എത്രയോ ഇഞ്ച്..വധുവിനെ തേടുന്നു..കാര്യപ്രാപ്തി.. തന്റേടി..സല്‍ഗുണസമ്പന്നി...
മാതൃകാ പുരുഷി ഒക്കെ ആയിരിക്കുണം.. ബാക്കി ബ്ലോഗിലുണ്ട്..
link- www.maqboolmry.blogspot.in


NB:
'അല്ല കിട്ടൂ.. കല്യാണത്തിനാദ്യം നിന്റെ വീട്ടുകാര്‍ സമ്മതിക്കണ്ടേ...'
'ഉം........വേണം .. അതുകളെ കൊണ്ടുപോയൊന്ന് ഡോക്ടറെ കാണിക്കണം..'
'അതെന്നാത്തിനാ'
'താല്‍പ്പര്യക്കുറവാടെയ്...... എന്റെ വിവാഹത്തിന് അതുകള്‍ക്ക് താല്‍പ്പര്്യക്കുറവ്'


-ഡിയര്‍ ബ്രദേഴ്‌സ് ആന്റ് സിസ്റ്റേഴ്‌സ്.. ഇതിന്റൈ ലിങ്ക് ദയവുചെയ്ത് എന്റെ പാരന്റ്‌സിന് കൈമാറരുത് പ്ലീസ്.. മുമ്പ് ചിലരൊക്കെ അങ്ങനെ ചെയ്തത് എനിക്കറിയാം.. അതൊക്കെ ആരാണെന്നും അറിയാം.. എല്ലാം ഞാന്‍ മറന്നു.. ക്ഷമിച്ചു... ഇനി ഡോണ്ടു ഡോണ്ടു..
ലൈഫെന്നാല്‍ പരസ്പരസഹകണമല്ലേ.. അതോണ്ട് പറഞ്ഞതോര്‍മ്മയുണ്ടല്ലോ..

Friday, November 30, 2012

എല്ലാ അമ്മായിയമ്മയിലും ഒരു അമ്മയുണ്ടന്നേ..


പ്രിയ പ്രേക്ഷകരേ.., ഇന്ന് നമ്മുടെ കുടുംബ കലഹം ചാനല്‍ പ്രോഗ്രാമിലേക്ക് എത്തിയിരിക്കുന്നത് വട്ടപ്പാറ വളവിലെ മയ്യത്ത്വളപ്പില്‍ ഹൗസില്‍ താമസിക്കുന്ന അമ്മായിയമ്മയും മരുമകളുമാണ്.അവരെ സ്റ്റേജിലേക്ക് ഹാര്‍ദ്ദവമായി പിടിച്ചുവലിക്കുകയാണ്..
പ്ലീസ് കം.. തങ്കമ്മ ആന്റ് പൊന്നമ്മ.....
(കരഘോഷം)

അപ്പോള്‍ ആദ്യം ഷോക്കിംഗ് റൊണ്ട് ആണ്...
 ഇവിടെ തങ്കമ്മ എന്ന അമ്മ തന്റെ മരുമകള്‍ പൊന്നമ്മയെക്കുറിച്ചുള്ള ചില മുണ്ടുടുക്കാത്ത സത്യങ്ങള്‍ (നഗ്ന സത്യങ്ങള്‍) ഒരു കുറിപ്പില്‍ എഴുതി നമ്മുടെ ജഡ്ജസ് ദാക്ഷായണിക്കും വീക്ഷായണിക്കും കൈമാറിയിട്ടുണ്ട്... അതിവിടെ അവര്‍ വായിക്കും.. ഓകെ..... ലിസണ്‍ ഇറ്റ്..

- തങ്കമ്മയും പൊന്നമ്മയും നിര്‍മിനേഷരായി  വിജൃംഭിതരായി സ്റ്റേജില്‍  നില്‍പ്പുണ്ട്-

ദാക്ഷായണി- അപ്പോള്‍ മിസിസ് തങ്കമ്മ, പൊന്നമ്മ ഞാന്‍ വായിക്കുകയാണ് കെട്ടോ.. ഡോണ്ട്് ഡിസ്റ്റര്‍ബ്...

'എന്റെ മകന്‍ പൊന്നപ്പന്‍ കഴിഞ്ഞ ചിങ്ങത്തിലാണ് പൊന്നമ്മ എന്ന ബഡ്ക്കൂസിനെ കെട്ടിക്കൊണ്ട് വന്നത്..
കണ്ടമാത്രയില്‍ തന്നെ വല്ലാത്തൊരു മൂധേവിയായി ലവളെ എനിക്ക് ഫീല്‍ ചെയ്തിരുന്നു...
രാവിലെ ഏഴരക്കല്ലാതെ മരുമകളെന്ന കുന്ത്രാണ്ടം എഴുന്നേല്‍ക്കില്ല..
ഉറക്കം അതല്ലേ എല്ലാം എന്നതാണവളുടെ തിയറി..
അവള്‍ സാമ്പാറുണ്ടാക്കിയാല്‍ അതിലിടുന്ന മുരിങ്ങാക്കോലിനുണ്ടാകും അഞ്ചരടിയും രണ്ടിഞ്ചും....
എന്തുമാത്രം വേപ്പിലകളാണിവള്‍ ഉപ്പേരിയിലിടുക....
ഉപ്പിട്ട കട്ടന്‍ ചായ കുടിക്കേണ്ടി വന്ന വെറെ ഏതെങ്കിലും അമ്മായിത്തള്ള ഈ ലോകത്തുണ്ടാകുമോ....
അവള്‍ക്ക് പപ്പടം പൊരിക്കാന്‍ രണ്ട് കിലോ വെളിച്ചെണ്ണ വേണം...
എന്റെ മകന്റെ വൈഫാകാന്‍ മാത്രമുള്ള ഒരു ക്വാളിഫിക്കേഷനും ഈ കുന്ത്രാണ്ടത്തില്ലന്നേ......
അവള്‍ എപ്പോഴെങ്കിലും മുറ്റമടിച്ചെന്ന് വെക്ക്... എന്നാ പിന്നെ ഒറ്റ ഈര്‍ക്കിലിയും പിന്നെയാ ചൂലില്‍ കാണത്തില്ല.....ഞാന്‍ ബാത്ത്‌റൂമില്‍ പോകും നേരം ചിപ്‌സും മിച്ചറും കട്ടെടുത്ത് തിന്നും ബ്ലഡി മരുമോള്‍... വല്ലാത്തൊരു മനോവേദനയിലാണ് ഞാന്‍ യുവറോണര്‍....മടുത്തു എനിക്കീ അമ്മായിത്തള്ള ജീവിതം....'

ഹാംഗര്‍ ജാനകി:- അങ്ങനെ നമ്മള്‍ വളരെ ബ്യൂട്ടിഫുള്ളായ ഈ കത്ത് കേട്ടു..
ഇനി ഈ കത്തിന് എത്ര മാര്‍ക്ക് എന്ന് നമുക്ക് ജഡ്ജസിനോട് ചോദിക്കാം...
ദാക്ഷായണി ചേച്ചി....
ദാക്ഷായണി..-

മിസിസ് തങ്കമ്മാ.. നന്നായി കെട്ടോ.... മരുമോള്‍ പൊന്നമ്മാ.. വീട്ടിലെ തന്റെ പെര്‍ഫോമന്‍സും ഉഗ്രന്‍.....
കുറച്ചുകൂടി എരിവും പുളിയും വേണ്ടിയിരുന്നു...  പിന്നെ ഈ ബ്ലാക്ക് ജീന്‍സ് മാറ്റി ബ്ലൂ ആക്കിയിരുന്നേല്‍ കത്തിനോടത് മാച്ച് ചെയ്യുമായിരുന്നു.. എന്തായാലും ബെസ്‌റ്റോഫ് ലക്ക്....
മുപ്പതില്‍ ഇരുപത്തഞ്ച് മാര്‍ക്ക്് എന്റെ വക....

വീക്ഷായണി..:-

നന്നായിരുന്നു കത്ത്... പൈങ്കിളിത്തം കുറഞ്ഞ് പോയോ എന്നൊരു ഡൗട്ട്....
ഇനി നിങ്ങള്‍ വീട്ടില്‍ പോയി വരുമ്പോള്‍ ഇതിനേക്കാള്‍ നല്ല പെര്‍ഫോമന്‍സ് പ്രതീക്ഷിക്കുന്നു... ആശംസകള്‍.. ഞാനും നല്‍കുന്നു ഇരുപത്തഞ്ച് മാര്‍ക്ക്്,...

ഹാംഗര്‍ജാനകി:-
ഇപ്പോള്‍ എല്ലാര്‍ക്കും ഹാപ്പിയായില്ലേ.. ഇനി ഡാന്‍സിംഗ് റൗണ്ട് ആണ്....
പാട്ട് ഞാന്‍ പാടാം.. ഓകെ...
അമ്മായിത്തള്ളയും മരുമോളും കൂടി ഡാന്‍സ് ചെയ്യു....

- അത്തള പിത്തള തവളാച്ചീ..
    മറിയം വന്ന് വിളക്കൂതി...
    ഫൂ ഫൂ ഫൂ.....
    ഏയ്....
    അത്തള പിത്തള തവളാച്ചീ..
    മറിയം വന്ന് വിളക്കൂതി..
    ഫൂ ഫൂ ഫൂ....

Wednesday, October 31, 2012

സദാചാര സിനിമ(ന്യൂ ജനറേഷന്‍)


മക്കളേ ഇതൊരു തിരക്കഥയാണ്.
രംഗങ്ങള്‍ക്കടിയില്‍ എഴുതിക്കാണിക്കേണ്ട ഡയലോഗ്‌സാണ് ഇംഗ്ലീഷില്‍ ബോള്‍ഡില്‍ കൊടുത്തിരിക്കുന്നത്..
അല്ലേല്‍ സെന്‍സര്‍ ബോര്‍ഡ് കഴുത്തിന് പിടിക്കുമത്രെ.....
-------------------------------------------------------------------
സീന്‍ - ഒന്ന്


കറുത്ത കോട്ടിട്ട നായകന്‍.. കറുത്ത കണ്ണട.. കറുത്ത തൊപ്പി...

(രംഗം നടക്കുന്നത് പകലോ രാത്രിയോ എന്ന് വ്യക്തമല്ല)
ആദ്യം കാണിക്കുന്നത് നായകന്റെ കാലാണ്..
പിന്നെ പിന്നെ മുകളിലേക്ക് അരിച്ചുകയറുന്ന ക്യാമറ..
നായകന്റെ തിരുമോന്ത കാണിക്കുന്നേരം ദമ്മ് മ്യൂസിക്..
നായകന്റെ ചുണ്ടത്ത് സിഗരറ്റ്..
കയ്യില്‍ നുരയുന്ന മദ്യം..
ശിങ്കിടിയുടെ മുഖത്തേക്ക്് സിഗരറ്റ് ഊതിക്കളിക്കുന്ന നായകന്‍ മഗുണന്‍..

Cigarette smoking and alcohol is injurious to health...

ക-ട്ട് റ്റു
ഒരു പെണ്‍കുട്ടി (വല്‍സമ്മ)പാതിരാത്രി നടുറോട്ടിലൂടെ ഫെമിനിസം കളിച്ച് നടക്കുന്നു..
പെട്ടെന്നതാ വരുന്നു നാലു കാലമാടന്‍മാര്‍..... ഗുണ്ടൂസുകള്‍...
അവള്‍ ആവിയായി.. ഭയചകിതയായി,..
സിന്ധുലേഖ ഓയില്‍ തേച്ച് കിട്ടിയ ധൈര്യമൊക്കെ ഉഗാണ്ടയിലേക്ക് ടൂറിന് പോയി..
അവള്‍ അലറി വിളിച്ച് ഓടി...
ഗുണ്ടൂസുകളെ തോല്‍പ്പിക്കാനാവില്ല മക്കളേ.....
അതുകള്‍ അവളെ ഓടിച്ച് പിടിക്കുന്നു...
പിന്നെ റേപ്പ് സീന്‍....
റേപ്പ് ചെയ്യപ്പെടുമ്പോഴും അവള്‍ വിളിച്ച് പറയുന്നുണ്ടായിരുന്നു
'ആം നോട്ടെ വെര്‍ജിന്‍'

Rape is also recognized as an element of the crime of genocide


കട്ട് റ്റു-

വില്ലന്‍ സുഗുണന്റെ (വല്‍സമ്മയെ റേപ്പ് ചെയ്തവന്‍മാരുടെ കൂട്ടത്തില്‍ ദിവനും ഉണ്ടായിരുന്നു)നെഞ്ചത്ത്് കയറി ധിം തരികിട കളിക്കുകയാണ് നായകന്‍ മഗുണന്‍..
അരികില്‍ കിടക്കുന്ന വടിയെടുത്ത്് സുഗുണന്‍ മഗുണനെ അടിക്കാന്‍ വരുന്നു..
ഉടനടി മഗുണന്‍ ഒഴിഞ്ഞുമാറുന്നു..
നായകനോടാ അവന്റെ കളി..
എന്നിട്ട്് ആ വടി തട്ടിയെടുത്ത്് അവന്റെ ചന്തിക്കിട്ട് പെടപെടാ അടിക്കുന്നു..
(ക്ഷമിക്കണം.. ന്യൂ ജനറേഷന്‍ ഫിലിം ആണെന്നോര്‍ത്തില്ല.ചന്തിക്ക് പകരം മറ്റ് പല വാക്കുകളുമാണ് പ്രയോഗിക്കേണ്ടിയിരു്ന്നത്. ഷൂട്ട്് ചെയ്യുമ്പള്‍ ശ്രദ്ധിച്ചോളാം .. ഓകെ)

ശേഷം സുഗുണനെ തല്ലിക്കൊല്ലുന്നു...

Freedom to live is recognized as a human right under article......... of the universal declaration of Human rights...

കട്ട്് റ്റു-


സുഗുണന്‍ ജയിലില്‍ ..
കൊലക്കുറ്റത്തിന് അറസ്റ്റ് ചെയ്തതാണ്..
ബട്ട് ലെവന്റെ മുഖത്തൊട്ടും ഭാവഭേദമില്ല...
കൊന്നത് വില്ലനേയല്ലേ .. നോ പ്രോബഌ..
പെട്ടെന്ന് പോലീസിനോട് മഗുണന്‍ തട്ടിക്കേറുന്നു..
'പ്ഫ പുല്ലേ..'........- പച്ചത്തെറി..-
'ഞാനാരെന്നറിയുമോടാ നിനക്ക്.'....
..... തെറി......- 'ഷിറ്റ്'

Bad speech obviously depends on bad heart

സീന്‍ റ്റു-

ഹാസ്യ നടന്‍ കൊച്ചാപ്പി പശുവിനെ കെട്ടുകയാണ്...
കുനു കുനാ ചാണകമിടുന്ന പശു..
കൊച്ചാപ്പി ചളി ഡയലോഗ്‌സും വിടുന്നുണ്ട്...
- ചാണകമായിരുന്നു ഭേദം..-
പെട്ടെന്ന് കെട്ടഴിഞ്ഞു പോകുന്ന പശു..
പശുവിന്റെ കയറില്‍ തൂങ്ങിയോടുന്ന കൊച്ചാപ്പി..
- പശുവിനെ ഇങ്ങനെ വിറളി പിടിപ്പിച്ച് ഓടിക്കാന്‍ അതുകള്‍ എന്തരെല്ലാം ചെയ്തുവോ എന്തോ.....-

No animals were harmed during the shooting of this film

NB:
അപ്പൊ എന്ത് തോന്ന്യാസവും ചിത്രീകരിക്കാം...
ഇതൊന്നും ശരിയല്ല എന്ന് കീഴെ ഒരു കുറിപ്പ് കൊടുത്താല്‍ മതി

സെന്‍സര്‍ ബോര്‍ഡിന് ഹാപ്പിയായി...

...
.........

Thursday, October 4, 2012

BIS 916 മാംഗോ


പ്രിയരേ ., കൂഷ്മാണ്ഡങ്ങളേ..
കുടിക്കൂ.. ചാളക്കാസ് ഫ്രൂട്ട് കട അവതരിപ്പിക്കുന്ന മാംഗോ ജ്യൂസ്..
വെറും നാല് ശതമാനം മാത്രമാണ് പണിക്കൂലി..
നോക്കൂ നിങ്ങള്‍.. എന്തുമാത്രം ഗമണ്ടന്‍ ഓഫറാണിത്...
നല്ലൊരു മിക്‌സിക്ക് കൊടുക്കണം അയ്യായിരം.. പിന്നെ വണ്‍ കിലോ മാങ്ങക്ക് അമ്പത്തഞ്ച്..
മൂര്‍ച്ചയുള്ള കത്തിക്ക് നാല്‍പ്പത്തഞ്ച്..
അത് വിന്യസിക്കാനുള്ള പ്ലേറ്റിന് നാല്‍പത്..
പിന്നെയത് കട്ട് ചെയ്യാനുള്ള ബഡ്ക്കൂസിന് അറുപത്..

മാങ്ങ മുറിക്കുമ്പോള്‍ അതിന് വരുന്ന തേയ്മാനം,സമയനഷ്ടം,
മാങ്ങണ്ടിയില്‍ പറ്റിപ്പിടിച്ചിരിക്കുന്ന കഷ്ണനഷ്ടം., കരന്റ് നഷ്ടം....
അങ്ങനെ കൂട്ടുമ്പോള്‍ ആകപ്പാടെ മാംഗോ ജ്യൂസിന് എത്രായിരം രൂപ വരും..
ബട്ട് ഞങ്ങള്‍ ചാളക്കാസ് ഫ്രൂട്ട് കട വെറും നാല് ശതമാനം മാത്രമാണ് പണിക്കൂലി ഈടാക്കുന്നത്....
കുടിക്കൂ.. ചാളക്കാസ് മാംഗോ ജ്യൂസ്..
എന്നിട്ട് ആര്‍മാദിക്കൂ.. ഉന്‍മത്തരാകൂ...

----------------
പൊതുജനങ്ങളേ .,കഴുതകളേ... കാണുന്ന കോന്തന്‍മാര്‍ പറയുന്നത് കേട്ട് മണ്ടിപ്പാഞ്ഞ് ചെല്ലല്ലേ.. കുണ്ടില്‍ ചെന്ന് ചാടല്ലേ...
നാലെന്ന് കേട്ടാല്‍ ചുരുങ്ങിയത് നാല് വട്ടമെങ്കിലും ചിന്തിക്കണം..
അതിലും ചുരുങ്ങിയാല്‍ നാല്‍പ്പത് വട്ടമെങ്കിലും..

നോക്കൂ ,..., ചാളക്കാസ്്് ആന്റ് സണ്‍സ്് ഫ്രൂട്ട് കടയില്‍ പണിക്കൂലിയേ ഇല്ല..
ചുമ്മാ വന്ന് വെറും മിക്‌സിയുടെ മാത്രം വില തന്നാല്‍ ഒരു മാംഗോ ജ്യൂസ് അണ്ണാക്കില്‍ തള്ളിയിട്ട് പോകാം നിങ്ങള്‍ക്ക്..
ചെക്കോസ്ലാവാക്യയില്‍ പോലുമില്ലാത്ത ടിഡാള്‍ഫി ഓഫര്‍...
നാല്ശതമ്ാനം പണിക്കൂലി എന്ന ഉഡായ്പില്‍ വീണുപോകരുതെന്ന് വീണ്ടാമതും ഓര്‍മപ്പെടുത്തുന്നു.. ചിന്തിക്കണേ.., നാല് വട്ടമെങ്കിലും...

------------------------
ഓ .,പിന്നേ... പണിക്കൂലി ഇല്ലാ പോലും..പണിയെടുത്തിട്ട് കൂലി മാങ്ങാതിരിക്കാന്‍ മാത്രം ലതുകളെന്താ കോങ്ങന്‍മാരോ...
ചുമ്മാ തൊള്ള ബഡായി..
പണിക്കൂലിയില്ലാന്ന് പറയണ സൂപ്പര്‍സ്റ്റാറിന് കൊടുക്കണം ഒരൊന്നൊന്നര പണിക്കൂലി..
അല്ലേല്‍ നിങ്ങളന്നെ ഒന്ന് ചിന്തിച്ചേ...
നിങ്ങളൊരു കസേര വാങ്ങുന്നു..
അപ്പോള്‍ മരത്തിനിത്ര.., അത് ഈര്‍ന്നതിനിത്ര., അതിന്റെ പണിക്കൂലി ഇത്ര..
അങ്ങനെയാണോ കിട്ടുന്നത്.. മൊത്തത്തില്‍ ഒരു വില ഇടുകയല്ലേ..
പിന്നെയെന്താ ഈ മാങ്ങാക്കൊലക്ക് മാത്രം....
എല്ലാം പറ്റിപ്പാന്നേ...
പറ്റിപ്പില്ലാത്ത., വെള്ളം കലരാത്ത മാംഗോ ജ്യൂസ്....
കൂയി ചാളക്കാസ് ഫ്രൂട്ട് കടയില്‍ മാത്രം....
കുടിക്കൂ.. കുടിക്കൂ ..കുടിച്ചു കൊണ്ടേയിരിക്കൂ..
പണിക്കൂലിയില്ലാത്ത കുടികള്‍ക്ക് സമീപിക്കുക..
കൂയി ചാളക്കാസ് ഫ്രൂട്ട് കട....

NB:
1- പത്ത് കൊല്ലം മുമ്പ് പവന് നാലായിരം രൂപയായിരുന്നു..
അന്നും പണിക്കൂലി പത്ത് ശതമാനം..എന്ന് വെച്ചാല്‍ നാനൂറ് രൂപ..
ഇന്ന് 25000 ആയപ്പോള്‍ അതിന്റെ പത്ത് ശതമാനം 2500 ഓളം വരും..
എന്നാല്‍ സ്വര്‍ണാഭരണ നിര്‍മാണത്തൊഴിലാളികള്‍ക്ക് കിട്ടുന്നത് പഴേ പത്ത് ശതമാനം(400). അപ്പോ ., ബാക്കി....
ആ .. എനിക്കൊന്നുമറിയത്തില്ലേ രാമനാരായണ..

2- ആദ്യം പത്ത്രൂപയെടുത്ത് കയ്യില്‍ വെക്കുക.. അതില്‍ ഇങ്ങനെ കാണാം..
I promise to pay the bearer the sum of ten rupees...
എന്ന് വെച്ചാല്‍ പത്ത് രൂപ കൊടുത്താല്‍ അതിന് മതിയായ സ്വര്‍ണത്തരി റിസര്‍വ്വ് ബാങ്ക് നമ്മക്ക് തരും എന്ന് പ്രോമിസ് ചെയ്യുകയാണ്..
....
തായോ റിസര്‍വ്വ് ബാങ്കേ.. പത്ത് രൂപക്ക് ഒരു തരി സ്വര്‍ണ്ണം തൂറ്റിച്ച് തായോ...........


_____________________________________
ടൈറ്റിലിന് കടപ്പാട്: sajeev puthoor kandru



Tuesday, October 2, 2012

പെയ്തുകൊണ്ടിരിക്കുന്ന കഥകള്‍


വിങ്ങുന്ന സായാഹ്നത്തിലെ ഒരു പത്ത് മഴത്തുള്ളികള്‍ മതി ,നിങ്ങളുടെ ജാലകത്തിന് ചുവട്ടിലെങ്ങോ കിടന്നിഴഞ്ഞിരുന്ന പുഴു പിന്നെ ജീവന്‍ തിളച്ചുമറിയുന്ന ചിറകുകളുമായി പറന്നുയര്‍ന്നുവരും. ജീവിതത്തിന്റെ ഒരു കൂത്താട്ടം. എഴുത്തുകളും ഇങ്ങനെയല്ലേ ഉണ്ടാകുന്നത്... പാറ്റകള്‍ പൊടിയുന്നത് പോലെ. ചോദിക്കുന്നത് ഉറൂബ്.

ചില എഴുത്തുകള്‍ക്ക് മഴയുടെ താളമുണ്ടാകും.
 നനവുണ്ടാകും.
പുതുമണ്ണിന്റെ മണവും മാര്‍ദവവുമുണ്ടാകും.
പി.കെ പാറക്കടവിന്റെ 'നമുക്ക് മഞ്ചങ്ങളില്‍ മുഖാമുഖം ഇരിക്കാം' എന്ന പുസ്തകത്തിലെ കഥകള്‍ വായിച്ചുതീര്‍ന്നിട്ടും നിര്‍ത്താതെ പെയ്തുകൊണ്ടിരിക്കുന്നു.
വായുവിലത്രയും വിഷം നിറച്ച്, മരങ്ങളത്രയും വെട്ടിമാറ്റി ഭൂമിയെ മൊത്തം മൊട്ടയടിച്ച് ഒരു ബാര്‍ബറായി മനുഷ്യന്‍ ഗതിമാറുന്ന കാലങ്ങളെ വരയുന്നു പി.കെ പാറക്കടവ്.

''അയാള്‍ക്ക് കാല്‍തെറ്റി, വീണിടത്തുനിന്നും അയാള്‍ എഴുന്നേറ്റതേയില്ല, ഒരിക്കലും. പുഴു ശരീരത്തിലേക്ക് കയറി അയാളെ തിന്നാന്‍ തുടങ്ങി.... പുഴു അയാളുടെ കഴിഞ്ഞകാല ദുഷ്‌ചെയ്തികളെ ഓര്‍മപ്പെടുത്തി... പുഴു പറയുന്നതൊന്നും അയാള്‍ കേട്ടില്ല. ജീവിച്ചിരിക്കുമ്പോള്‍ പുഴുവിന്റെയും പുല്‍ക്കൊടിയുടെയും ഭാഷ മനസ്സിലാക്കാത്തവന്‍, മരിച്ചുകഴിഞ്ഞാല്‍ എങ്ങനെ അറിയാനാണ് ഇതൊക്കെ...''

ബാല്യം, വൃദ്ധന്മാര്‍ക്കിപ്പോള്‍ ഒരു കടങ്കഥയായിത്തീര്‍ന്നിട്ടുണ്ടാകും. ജീവിതത്തെക്കുറിച്ച് എഴുതാന്‍ തുനിയുന്നവരെല്ലാം, ശൈശവം ഭാഷയിലേക്ക് പകര്‍ത്തുന്നിടത്ത് പരാജയപ്പെട്ടേ മതിയാകൂ എന്ന് പറയുന്നുണ്ട് സുഭാഷ് ചന്ദ്രന്‍ മനുഷ്യന് ഒരാമുഖം എന്ന നോവലില്‍. അബോധത്തിന്റെ പെരുംകടലിലെവിടെയോ സ്വഛന്ദം വിഹരിക്കുന്ന ശൈശവമെന്ന സ്വര്‍ണ മത്സ്യത്തെ ഭാഷയുടെ വലയിട്ടു പിടിക്കാന്‍ എഴുത്തിന്റെ ഏത് മുക്കുവന് കഴിയും...?

ബാല്യത്തിലേക്ക് തിരിഞ്ഞു നടക്കുന്ന വൃദ്ധന്റെ കഥ പറയുന്നു പി.കെ. മേശപ്പുറത്തിരിക്കുന്ന കൊച്ചുമോന്റെ നോട്ടുപുസ്തകത്തില്‍നിന്ന് ഒരു താള് വിറച്ച് വിറച്ച് പറിച്ചെടുക്കുന്നു അയാള്‍. കടലാസ് ഒടിക്കുകയും മടക്കുകയും ചെയ്ത് തോണിയുണ്ടാക്കുകയാണ്. പുറത്താരും ഇല്ലെന്ന് ഉറപ്പുവരുത്തി, ആയാസപ്പെട്ട് മുറ്റത്തേക്കിറങ്ങി... കുനിഞ്ഞ് നിന്ന് അതീവ ശ്രദ്ധയോടെ കടലാസ് തോണി ഇറവെള്ളത്തിലേക്ക് ഒഴുക്കി.
'ഇറയത്ത് നിന്ന് കാലം ഇറ്റിത്തീരുകയാണ്. വൃദ്ധന്റെ നെഞ്ചില്‍ ഭാരമുള്ള മറ്റൊരു തോണി ആടിയാടി ഉലയുകയാണ്.'

അയാള്‍ വീടുവെച്ചത് ലോണെടുത്തിട്ടാണ്. തവണകളായി തിരിച്ചടച്ചാല്‍ മതി. വാഹനം വാങ്ങിയതും അങ്ങനെ തന്നെ. ഫ്രിഡ്ജ്, ടി.വി, വാഷിംഗ്‌മെഷീന്‍.. മരണത്തിന്റെ മാലാഖയോട് അയാള്‍ ഒരുവരം മാത്രം ചോദിച്ചത്രെ.
'തവണകള്‍'
തവണകളായി തന്നെയാണ് അയാളീ ലോകത്ത് നിന്ന് കൂടൊഴിഞ്ഞതും... ആദ്യം മുട്ടിന് താഴെ കുഴഞ്ഞ് കിടപ്പായി. പിന്നെ അരക്കു താഴെ... പിന്നെ കഴുത്തിന് താഴെ....
ആര്‍ത്തിയുടെ കാലികകാലത്തെ പി.കെ എമ്പാടും പരിഹസിക്കുന്നു.

ചെറുപ്പം മുതല്‍ അവന്‍ ശീലിച്ചത് പട്ടിണിയാണ്. ഉപ്പയുടെ മരണാനന്തരം മൂന്നാം നാള്‍, പക്ഷേ ആ ബാലന് നല്ലൊരു സദ്യ കിട്ടി. ജീവിതത്തിലാദ്യമായാണവന്‍ രുചിയറിഞ്ഞ് ഭക്ഷിക്കുന്നത്.
'ചൂടുള്ള നെയ്‌ചോറും ഇറച്ചിയും കൊതിതീരുംവരെ തിന്നതിന് ശേഷം കൈകഴുകി കുട്ടി നേരെ അകത്തേക്ക്...
അകത്ത് ഇരുട്ടിന് കൂട്ടിരിക്കുന്ന ഉമ്മയുടെ മടിയിലേക്ക് കയറി അവന്‍ ചോദിക്കുന്നു: 'ഉമ്മാ, ഉമ്മ എപ്പഴാ മരിക്വാ'

ജീവിതത്തിലെ ഏറ്റവും വലിയ ദുഃഖം വിശപ്പാണെന്ന പവിത്രന്‍ തീക്കുനിയുടെ വാക്കുകളാണ് പി.കെയുടെ സദ്യ എന്ന കഥ വായിച്ചപ്പോള്‍ ഓര്‍മവന്നത്.

വാക്കുകള്‍ വേണ്ടിടത്ത് കൃത്യമായി വീഴുമ്പോഴാണ് അത് അവതാരങ്ങളാകുന്നത്. വാക്കുകള്‍ക്ക് ജീവന്‍ വെക്കുന്നത്. ഹാസ്യം രോഷമായും രോഷം അഗ്നിയായും വായനക്കാരെ പൊള്ളിക്കുന്നത്. കൊല്ലലും കൊല്ലിക്കലും ദിനചര്യയായ ഒരു നാടിന്റെ വേദനയെ എത്ര തീക്ഷ്ണമായാണ് പി.കെ 'നാദാപുരം' എന്ന കഥയില്‍ പകര്‍ത്തുന്നത്.
'അടുത്തെവിടെ നിന്നോ ബോംബ് പൊട്ടുന്ന ശബ്ദം.'
'മോനെ എണീക്ക്... രാവിലത്തെ ബോംബ് പൊട്ടി... എന്നിട്ടും എന്തൊരുറക്കാ...'
മോന്‍ പതുക്കെ എഴുന്നേറ്റ് ജാലകപ്പാളി തുറന്നു. കരിഞ്ഞ മാംസത്തിന്റെ മണം. മോന്‍ ചോദിച്ചു: 'ആരാളീ... ഓലോ... ഞമ്മളോ...? (ആരാണ്? അവരോ നമ്മളോ?)

വലുതുകളെ പ്രണയിക്കുന്നവരാണ് നമ്മള്‍. അയല്‍ക്കാരന്റെ വീടിനേക്കാള്‍ അല്‍പമെങ്കിലും വലുപ്പം തന്റെ വീടിന് വേണം. അല്ലേല്‍ ഉറക്കം കെടാന്‍ അത് തന്നെ മതി. ജീവിതത്തില്‍ മാത്രമല്ല, എഴുത്തിലും ലാളിത്യം വേണമെന്ന് നമ്മെ പഠിപ്പിച്ച എഴുത്തുകാരനാണ് പി.കെ പാറക്കടവ്. നമുക്ക് മഞ്ചങ്ങളില്‍ മുഖാമുഖം ഇരിക്കാം എന്ന പുസ്തകത്തിലും കത്തുന്ന കഥകളിലൂടെ പി.കെ നമുക്ക് വഴികാട്ടുന്നു. ചെറുതുകളുടെ മഹത്വം ഓതിപ്പഠിപ്പിക്കുന്നു.
--------------പ്രസാധനം : പ്രതീക്ഷ ബുക്‌സ്‌---------------


Thursday, September 27, 2012

അന്‍ഗ്രി ഇന്‍ഡ്യന്‍സ്‌


ദേഷ്യം വന്നാല്‍ നമ്മളെന്നാ ചെയ്യും..
ഓരോരുത്തരും തനിക്ക് കഴിയുന്ന കോലത്തില്‍ പ്രതികരിക്കും .. അത്രന്നെ..
എന്നെപ്പോലെ ടാലന്റും കോപ്പും ഇല്ലാത്തവനാണേല്‍ ബ്ലഡി ഫ്രണ്ട്‌സിന് നേരെ ദിലീപ് സ്റ്റേലില്‍ കുതിര കയറും.....
'രാവിലെയാണോടാ പത്രം വായിക്കുന്നത്....'
സകല ദേഷ്യവും അവരുടെ മേല്‍ കൊട്ടിച്ചൊരിയും....

സുക്കന്‍ ബര്‍ഗാണേല്‍ കാമുകിയോടുള്ള ദേഷ്യം ഫേസ്ബുക്കുണ്ടാക്കിത്തീര്‍ക്കും..
(അത് കൊണ്ടിപ്പോള്‍ ഫേക്ക് കാമുകിമാരെ കൊണ്ട് നമ്മള്‍ തോറ്റു)

മുന്‍തളിര്‍ അസ്സൈദിയാണേല്‍ ബുഷിനോടുള്ള ദേഷ്യം ചെരിപ്പെറിഞ്ഞ് തീര്‍ക്കും..

എല്ലാത്തി്‌നും വിലകൂട്ടിക്കൊണ്ടിരിക്കുന്ന പാവം മിണ്ടാപ്രാണിയായ മന്‍മോഹന്‍ സിംഗിനോടുള്ള ദേഷ്യം ഒരു പഹയന്‍ തീര്‍ത്തതാകട്ടെ ഷര്‍ട്ടൂരി കാണിച്ചിട്ട്്..
(കോണകമുടുത്തവനെയാണോടാ ഷര്‍ട്ടൂരി പേടിപ്പിക്കു്ന്നതെന്ന് ഒരു കാര്‍ട്ടൂണ്‍്... കോണകം മെയ്ഡ് ഇന്‍ അമേരിക്കയാണ് കെട്ടോ..)

ആവിഷ്‌കാര സ്വാതന്ത്രത്തിന് കൂച്ചുവിലങ്ങിടുകയും സകലതും കോര്‍പ്പറേറ്റുകള്‍ക്ക് തീറെഴുതുകയും ചെയ്യുന്ന സ്വീറ്റ് പ്രൈം മിനിസ്റ്റര്‍ മന്‍മോഹനോട്  കുറച്ച്് ബഡ്ക്കൂസുകള്‍ ദേഷ്യം തീര്‍ത്തതെങ്ങനെ എന്നറിയ്യോ..
ഒരൊന്നൊന്നര ഗെയിം നിര്‍മിച്ചിട്ട്...
ക്ലാസ്സ്് റൂം ടീം എന്ന കുറച്ച് മലബാര്‍ കൂഷ്്മാണ്ഡളാണ് അതുകള്‍......

അസിം ത്രീവേദിയുടെ കരു കൊണ്ട്് മന്‍മോഹന്റെ മണ്ട കുത്തിപ്പൊട്ടിക്കലാണ് കളി... മൂന്ന്് അവസരമുണ്ടാകും...അതില്‍ മൂന്ന് മന്‍മോഹന്‍ തലയും തല്ലിപ്പൊളിക്കണം,...
അപ്പോള്‍ അടുത്ത് സ്്‌റ്റേജിലേക്കെത്തും..
ആകെ മൊത്തം മൂന്ന് സ്‌റ്റേജുകള്‍...
മൂന്ന്് സ്‌റ്റേജുകളും നിങ്ങള്‍ വിജയിച്ചെ്ത്തിയാല്‍ ഇങ്ങനെയൊരു കമന്റ് നിങ്ങളെ സ്വീകരിക്കും...
you are arrested....
And sorry!!
The score money in govt  custody...

അപ്പൊ കളി എപ്പടി..?

ഇവിടെ ക്ലിക്കിയാല്‍ ഗെയിം ഡൗണ്‍ലോഡ് ചെയ്യാം..

Monday, September 24, 2012

അവള്‍ ഒരു പിരാന്തി


ഞാന്‍ വളരെ കൂലങ്കഷമായി ചിന്തിച്ച് സീരിയലിന് വേണ്ടി എഴുതിയ
തിരിക്കഥയാണ് 'അവള്‍ ഒരു പിരാന്തി'.
- അതിന്റെ ട്രെയിലറാണ് ഇവിടെ സംക്ഷേപിക്കുന്നത്...

- ആദ്യം രണ്ട് പെണ്ണൂങ്ങള്‍ തെക്ക് വടക്ക് നടക്കുന്നു.. ജാനകിയും മേനകയും..
രണ്ടിന്റേം ഏജ് മുപ്പത് മുപ്പത്തഞ്ചിന് ഇടക്ക്...കുശുമ്പിനും കുന്നായ്മക്കും പററിയ പ്രായം അതാത്രെ..

ജാനകി- അവള്‍ ആ കല്യാണി.. അവളാ എല്ലാത്തി്‌നും കാരണം..
                    എല്ലാ പ്രശ്‌നങ്ങള്‍ക്കും കാരണം ആ മൂധേവിയാണ്..
                   

മേനക- നിനക്കിപ്പോഴെങ്കിലും അവളുടെ തനി നിറം മനസ്സിലായല്ലോ..
                  പണ്ട് ഞാന്‍ പറഞ്ഞപ്പോ നീ വിശ്വസിച്ചോ .. ഇല്ലല്ലോ..
                  എന്റെ മോന് നീളം വെ്ക്കാന്‍ വേണ്ടി ഞാന്‍ കലക്കിക്കൊടുത്ത                                                                          കോംപ്ലാന്‍ കട്ടെടുത്ത് കുടിച്ച പിശാശാണ് അവള്‍ കല്യാണ്ി..
         അവളെ നമുക്കൊരു പാഠം പഠിപ്പിക്കണം...              


- മേനകയുടെ ക്ലോസപ്പ് മോന്ത സ്റ്റക്കാവു്ന്നു..
- വോയ്‌സ് ഓവര്‍-

 
                   മേനകയും ജാനകിയും കല്യാണിയെ ഒരു പാഠം പഠിപ്പിക്കുമോ..
കാത്തിരു്ന്ന് കാണുക.. സൂപ്പര്‍ ബമ്പര്‍ സീരിയല്‍ 'അവള്‍ ഒരു പിരാന്തി.'  
ഹാര്‍ട്ടറ്റാക്ക് വന്ന് ചാകാന്‍ കിടക്കുന്ന ഒരമ്മയുടെ കഥ..
ആ അമ്മയെ നോക്കി പരിപാലിക്കുന്ന ഞൊണ്ടിയായ മകളുടെ കഥ..
ആ മകളോട് കുനിഷ്ട് കാണിക്കുന്ന നാത്തൂന്റെ കഥ..
ആ നാത്തൂന്‍ പറയു്ന്നത് കേട്ട് തുള്ളുന്ന ആങ്ങളയുടെ കഥ..
ആങ്ങളയുടെ  വേണ്ടാതീനങ്ങള്‍ സഹിക്കവയ്യാതെ അങ്ങേരെ വെട്ടിക്കൊല്ലാന്‍ പോകുന്ന കല്യാണിയുടെ കഥ...
വെട്ടിക്കൊല്ലാന്‍ പാകത്തില്‍ കത്തിയും മടവാളും ഉണ്ടാക്കുന്ന തട്ടാന്റെ കഥ...
ആ തട്ടാനുമായി പ്രണയത്തിലാകുന്ന ശ്യാമളയുടെ കഥ...പ്രണയ വഞ്ചനയുടെ നീര്‍്ച്ചുഴിയില്‍ നിന്ന് അവളെ കരകയറ്റി വിവാഹം കഴിക്കുന്ന കുമാരന്റെ കഥ...കുമാരന്റെ കഥ കഴിക്കുന്ന ജോസഫിന്റെ കഥ.............

അതെ ഗമണ്ടന്‍ സീരിയല്‍ - അവള്‍ ഒരു പിരാന്തി -
കഥ,തിരക്കഥ,സംഭാഷണം, സംവിധാനം.. എല്ലാം മഹാനായ ഈ ഞാന്‍...

Monday, September 17, 2012

അടര്‍ന്നകാലങ്ങളെ ശ്വസിച്ചെടുക്കുന്ന വാക്കുകള്‍


അനുഭവങ്ങള്‍ വല്ലാത്തൊരു വായനാനുഭവമാകുന്ന ആശ്ചര്യമാണ് വി. മുസഫര്‍ അഹ്മ്മദിന്റെ 'മയിലുകള്‍ സവാരിക്കിറങ്ങിയ ചെരിവിലൂടെ.' മറവിയുടെ ഭയപ്പെടുത്തുന്ന മഹാനരകം തൊട്ടുമുന്നില്‍ നിന്നപ്പോള്‍ എഴുതിത്തീര്‍ത്തതാണീ അനുഭവക്കുറിപ്പുകള്‍.

എങ്ങോട്ടാണീ അനുഭവങ്ങള്‍ മണ്ടിപ്പായുന്നതെന്ന് തോന്നും...ബാല്യത്തിലൂടെ...കൗമാരത്തിലൂടെ... യൗവനത്തിലൂടെ.... അതിനിടയില്‍ പൊതിഞ്ഞെടുത്ത കാഴ്ചകളിലൂടെ...മഴയിലൂടെ... മരത്തിലൂടെ... മറിഞ്ഞുവീണ മരം ശേഷിപ്പിച്ച ശൂന്യതയിലൂടെ...ഇഴഞ്ഞിഴഞ്ഞ് കല്ലിച്ചുപോയ ഒച്ചുകളിലൂടെ...ഓര്‍മകളില്‍ നിന്നടര്‍ന്നുപോയ മനുഷ്യരിലൂടെ...

എട്ടാം ക്ലാസില്‍ പഠിക്കും കാലത്ത് തറവാടുവീട് പൊളിക്കുമ്പോള്‍ മുസഫറിന് കണ്ട്കിട്ടിയത് വല്യാപ്പയുടെ കൈപ്പടയുള്ള രണ്ട് ഡയറികള്‍. ഒരിക്കലും കാണാന്‍ കഴിയാതെ പോയ വല്ല്യാപ്പ അക്ഷരങ്ങളുടെ വളവുകളിലെങ്ങാനും ഒളിഞ്ഞിരിപ്പുണ്ടോ...? വല്യാപ്പയുടെ ഒരു പടമെങ്കിലും കണ്ട്കിട്ടാന്‍ ബെല്ലാരി വരെ പോകണം എന്നാശിച്ച ബാല്യം. ആ യാത്ര പക്ഷേ നടന്നില്ല. നടക്കാത്ത യാത്രകളും അനുഭവം തന്നെയല്ലേ...

നിന്റെയൊക്കെ കയ്യില്‍ കഠാരയുണ്ടോ? ഒരു പേനാക്കത്തിയുണ്ടോ? പോട്ടെ, സ്വന്തമായി ഒരു മൊട്ടുസൂചിയുണ്ടോ? പോയി ബാങ്ക് കൊള്ളയടിക്ക്. ഇവിടെ ബേപ്പൂരില്‍ മൂന്ന് നാലെണ്ണമുണ്ട്... പോയി കൊള്ളയടിക്ക്... സായുധ വിപ്ലവം നടക്കണമെങ്കില്‍ കാശ് വേണ്ടേ... സായുധ വിപ്ലവം നയിക്കാന്‍ നടക്കുന്നു.... വീട്ടുകാര്‍ കഷ്ടപ്പെട്ട് കോളേജില്‍ പഠിപ്പിക്കാന്‍ വിടും. നിനക്കൊന്നും വീട്ടില്‍ ചോദിക്കാനും പറയാനും ആരുമില്ലേടാ....' ഓര്‍മപ്പുസ്തകത്തില്‍ ക്ഷുഭിതനായി വൈക്കം മുഹമ്മദ് ബഷീര്‍. ഓക്‌സിജന്‍ സിലിണ്ടറുകള്‍ക്ക് നടുവില്‍ ശ്വാസംമുട്ടിത്തീര്‍ന്നു ആ എഴുത്തു ജീവിതം. 'കാലമേ, എനിക്കല്‍പം ഓക്‌സിജന്‍ തരൂ...' സിഗരറ്റ് പാക്കിന് പുറത്ത് ബഷീര്‍ ഏറ്റവുമൊടുക്കം എഴുതിയതെന്ന് കരുതപ്പെടുന്ന ഒറ്റവരിക്കവിത.

ലോകസിനിമ എന്തെല്ലാം രംഗങ്ങള്‍ പകര്‍ത്തിയിരിക്കുന്നു. എത്രയോ പുഴകള്‍, കടലുകള്‍, കാടുകള്‍ എങ്ങാണ്ടൊക്കെയോ ഉള്ള മനുഷ്യര്‍, വികാരങ്ങള്‍... എല്ലാം പകര്‍ത്തിക്കഴിഞ്ഞെന്ന് തോന്നും. ക്യാന്‍സര്‍ വാര്‍ഡില്‍ വെച്ച് സിനിമ ഇനിയും പറഞ്ഞിരിക്കാന്‍ ഇടയില്ലാത്ത ഒരു രംഗം കണ്ടു മുസഫര്‍. അര്‍ബുദം ബാധിച്ച് മുഖത്തെയും കവിളുകളിലെയും മാംസപേശികള്‍ ദ്രവിച്ച് എല്ലുകള്‍ പുറത്തേക്കു കാണാവുന്ന നിലയിലായ ഒരു രോഗിയെ. അയാളുടെ കീഴ്ത്താടിയില്‍ അല്‍പം മാംസം ബാക്കിയുണ്ട്. അവിടെ രണ്ടോ മൂന്നോ രോമം വളര്‍ന്നു നില്‍ക്കുന്നു. അയാളത് ഷേവ് ചെയ്യുകയായിരുന്നു.

മുസഫറിന്റെ അനുഭവങ്ങളില്‍ പിന്നെ മരങ്ങളുടെ പച്ചപ്പ്. ചില മരങ്ങള്‍ എപ്പോഴും ചിരിച്ചുകൊണ്ടേയിരിക്കുമത്രെ. ഇവിടെ ഉണ്ടായിരുന്നുവെന്നതിന് തെളിവായി ഒരു തൂവലെങ്കിലും താഴേക്കിട്ടേക്കണേ എന്ന് ചില മരങ്ങളെങ്കിലും കിളികളോട് പറയും. എങ്കിലും എല്ലാ മരങ്ങളും മരണത്തിലേക്ക് നടന്നടുക്കും പോലെ. വേര് മണ്ണില്‍ നിന്ന് പറിഞ്ഞ്, ജീവന്റെ കൂട് വിട്ട് ഒരു മരം വീഴുമ്പോള്‍ അവസാനച്ചടങ്ങുകള്‍ക്കും വിലാപങ്ങള്‍ക്കുമായി എത്തുന്നത് പറവകളും പൂമ്പാറ്റകളും ഉറുമ്പുകളുമാണ്. കിളികള്‍ വിലപിക്കും. ഉറുമ്പുകള്‍ ചിതയൊരുക്കും. ഇത്കണ്ട് ചിതലുകള്‍ ചിരിക്കും.

'എനിക്ക് പൊക്കം കുറവാണ് കെട്ടോ... അത്‌കൊണ്ടെന്നെ പൊക്കാതിരിക്കുവീന്‍' പൊക്കമുള്ള മരങ്ങളെ നോക്കി കുഞ്ഞുണ്ണിമാഷ്.

'ആത്മഹത്യാ മുനമ്പില്‍ നിന്ന് മരങ്ങള്‍ക്ക് മീതെ പറന്ന ഒരു പെണ്‍കുട്ടി ഓര്‍മകളില്‍ തികട്ടി വരുന്നു. കാമുകന് ഭാര്യയും കുട്ടികളുമുണ്ടായിരുന്നത്രെ. കാടിന്റെ പച്ചയും തഴപ്പും നിറഞ്ഞുനിന്ന സ്വന്തം കണ്ണുകള്‍ അന്ന് കുത്തിപ്പൊട്ടിച്ചതാണ്. കണ്ണുകളില്‍ നിന്ന് കാടുകള്‍ പുറത്തേക്ക് ചാടുന്നു.'

അവധി ദിവസങ്ങളില്‍ പോകാന്‍ നാടില്ലാത്തവരുടെ മുഖങ്ങളിലേക്കും കാഴ്ച കൊടുക്കണമെന്ന് ഈ കൃതി ഓര്‍മപ്പെടുത്തുന്നു. അറഫാത്തിന്റെയും ദലൈലാമയുടെയും ഈദി അമീന്റെയും നാട്ടുകാരുടെ മുഖങ്ങളിലേക്ക്... കീറിപ്പോയ... ഭൂപടം തുന്നിച്ചേര്‍ത്തപോലെയല്ലേ അവരുടെ മുഖത്തെ ചുളിവുകള്‍. സ്വന്തമായി രാജ്യമില്ലാത്തവരുടെ ഭാഷക്ക് ഒരു ഗദ്ഗദവും പിടച്ചിലുമുണ്ട്.

വറ്റു മുളപ്പിക്കാന്‍ പോയവരാണ് പ്രവാസികള്‍. ഒരര്‍ഥത്തില്‍ അവരുടെ ജീവിതം എന്തുമാത്രം വന്യമാണ്.. മരുഭൂമിയും അപ്പോള്‍ കാടായി പരുവപ്പെടുന്നു. മരങ്ങളില്ലന്നല്ലേയൂള്ളൂ...

'വിമാനത്താവളത്തിലേക്കുള്ള വഴിയില്‍ പാഞ്ഞു പോകുമ്പോള്‍ നാട്ടുവഴികള്‍ ചിരിച്ചു, എത്രയോ പേര്‍ വരുന്നതും പോകുന്നതും കണ്ടിരിക്കുന്നു, വിരുന്നുകാരാ പോയി വരൂ!

കരിപ്പൂര്‍ ഇമിഗ്രേഷന്‍ കഴിഞ്ഞ് ഡിപ്പാര്‍ച്ചര്‍ ലോബില്‍ ഇരിക്കുമ്പോള്‍ മഴ പെയ്തു തുടങ്ങി. പതിനൊന്ന് വര്‍ഷമായി കേരളത്തിലെ മഴക്കാലം കണ്ടിട്ട്. ജൂണ്‍ 5ന് മടങ്ങിയിട്ടും ഇക്കുറിയും മഴക്കാലത്തു നനയാനായില്ല. ഡിപ്പാര്‍ച്ചര്‍ ലോബിലെ ചില്ലുപാളികള്‍ മഴ കാട്ടിത്തന്നു. അതത്ര ശക്തമായിരുന്നില്ല. തൊടാന്‍ ഒരു നിവൃത്തിയുമില്ല. മഴയില്‍ കുളിക്കുന്ന തെങ്ങോലകളേയും കണ്ടു. എയ്‌റോ ബ്രിഡ്ജിലൂടെ വിമാനത്തിനകത്തേക്കു കയറുമ്പോള്‍ അവിടെ നിന്നെങ്കിലും ഒരു തുള്ളി മഴ മൂര്‍ധാവില്‍ പതിക്കുമെന്ന് വൃഥാ മോഹിച്ചു. ഉണ്ടായില്ല.

എല്ലാ സീറ്റുകളും നിറഞ്ഞു കവിഞ്ഞ വിമാനത്തില്‍ ഒറ്റക്കാണെന്ന് തോന്നി. എയര്‍ഹോസ്റ്റസ് അനൗണ്‍സ് ചെയ്തു. ഹം ജിദ്ദ ജായേങ്കേ.... റണ്‍വേ നനഞ്ഞു കിടന്നു. ആ നനവിലേക്ക് ഒരു പിടി വിത്തെറിയാന്‍ മോഹിച്ചു.' (മയിലുകള്‍ സവാരിക്കിറങ്ങിയ ചെരിവിലൂടെ, മാതൃഭൂമി ബുക്‌സ്, പുറം: 126, വില: 90)
******

Tuesday, September 11, 2012

ഡ്യുട്ടി ടൈമില്‍ സീരിയല്‍ കണ്ട ഭാര്യയെ പിരിച്ചുവിട്ടു


കിട്ടുവിന്റെ വൈഫ്  ഭാര്യയെന്ന ജോലിയില്‍ നിന്നും രാജിവെച്ച് അയലത്തെ വേലായുധേട്ടന്റെ വീട്ടില്‍ ജോയിന്‍ ചെയ്തു.
തന്റെ ശമ്പളത്തന്റെ ഇരുപത് ശതമാനം തരാം എന്ന വേലായുധേട്ടന്റെ ഓഫറില്‍ വീഴുകയായിരുന്നു വൈഫോഫ് കിട്ടു.
ശമ്പളത്തിന്റെ പത്ത് പന്ത്രണ്ട് ശതമാനം പുരുഷന്‍മാര്‍ ഭാര്യമാര്‍ക്ക് നല്‍കണമെന്നാണ് വനിതാ ശിശുക്ഷേമ മന്ത്രി കൃഷ്ണാ തീര്‍ഥയുടെ ഓര്‍ഡര്‍.
അതിലും അധികം നല്‍കാമെന്ന് പറഞ്ഞ ചില കശ്മലന്‍മാര്‍ അന്യരുടെ ഭാര്യമാരെ വല വീശിപ്പിടിക്കുന്നതിനെതിരെ കോടതി നടപടിയെടുക്കണമെന്ന് കിട്ടു പത്രസമ്മേളനത്തില്‍ പറഞ്ഞു.

 ഭാര്യമാര്‍ക്ക്് ശമ്പളം ഏര്‍പ്പെടുത്തിയത് ശ്ലാഘനീയമാണെന്നും എന്നാലവരുടെ ഡ്യൂട്ടി ടൈം നിജപ്പെടുത്തണമെന്നും ഫെമിനിസ്റ്റ് ശാരദ ഇതിനകം ആവശ്യപ്പെട്ടിട്ടുണ്ട്. ഡ്യൂട്ടി സമയത്ത് സീരിയല്‍ കണ്ടു എന്ന് പറഞ്ഞ് ഭാര്യയെ പിരിച്ചുവിട്ട സംഭവം അന്യേഷിക്കണം എന്ന് അവര്‍നല്‍കിയ പത്രക്കുറിപ്പിലുണ്ട്.

സ്ത്രീ ശാക്്തീകരണത്തിന്റെ പേരില്‍ ഇവിടെ നടക്കുന്നത് പുരുഷപീഡനമാണ്..ഭാര്യ എന്നത് ജോലിയാണെങ്കില്‍ ഭര്‍ത്താവ് എന്നത് പിന്നെ എന്ത് കോപ്പാണ് എന്ന്ാണ് കിട്ടു ചോദിക്കുന്നത്...
ശമ്പളം കൊടുക്കുകയാണെങ്കില്‍ അവര്‍ക്കുള്ള ഫുഡ് ആന്റ് അക്കമഡേഷന് ചാര്‍ജ് ഈടാക്കുമെന്നും അദ്ദേഹം പറഞ്ഞു.പിന്നെ മേക്കപ്പ് സാധനങ്ങള്‍ തുടങ്ങി വസ്ത്രലതാദിമൂലാദികളും മറ്റ് കുണ്ടാമണ്ടീസുകളും
 അത്കള്‍ക്ക് വാങ്ങിക്കൊടുക്കേണ്ടതില്ല എന്നും തീരുമാനിക്കേണ്ടി വരും..എന്തൊക്കെയാണ് ഭാര്യയുടെ ഡ്യൂട്ടി എന്നും വനിതാക്ഷേമം ക്ലിപ്്തപ്പെടുത്തണം..
കുട്ടിയുടെ മുത്രം മാത്രമേ


ഞാന്‍ തുടക്കൂ.. അപ്പി നിങ്ങള്‍ കോരണം എന്ന് ഭാര്യ പറഞ്ഞ അനുഭവം വിതുമ്പലോടെയാണ് കിട്ടു പറഞ്ഞത്...

ഭാര്യമാരുടെ സേവനം തൃപ്തികരമല്ലെങ്കില്‍ അവരെ ഉടനടി പിരിച്ച്ുവിടാനുള്ള അവകാശവും ഭര്‍ത്താക്കന്‍മാര്‍ക്ക് നല്‍കണം..
പിന്നെ നഷ്ടപരിഹാരം എന്നും പറഞ്ഞ് കുടുംബ കോടതിയില്‍ സീനുണ്ടാക്കാന്‍ വരരുത്..-കിട്ടു പറഞ്ഞു...





Tuesday, August 28, 2012

കഥ ഇത്രടം വരെ




കാര്‍ണിമ- ഇതാണത്രെ കഥ എന്ന നമ്മുടെ പ്രോഗ്രാമിലേക്ക് ഇന്നെത്തിച്ചേര്‍ന്നിരിക്കുന്നത് മിസ്റ്റര്‍ ഡാള്‍ഡ വിനോദ് ആണ്,.
സിനിമയുടെ വെള്ളിത്തിരയില്‍ ഇടക്കിടെ മിന്നിമറയുന്ന ഒരു ശുഭ്ര നക്ഷത്രമാണ് ഡാള്‍ഡ വിനോദ്. മിസ്റ്റര്‍ മരുമകന്‍ പ്ലീസ് കം..

.... മിസ്റ്റര്‍ വിനോദ് ., ന്ിങ്ങളെങ്ങിനെയാണ് ഇങ്ങനെ വളര്‍ന്ന് പോത്തുപോലെയായത്.. പിന്നിലേക്ക് തിരിഞ്ഞു നോക്കുമ്പോള്‍ എന്തു തോന്നുന്നു.

വിനോദ്- പിന്നിലേക്ക് തല തിരിക്കുമ്പോള്‍ കഴുത്തിന് വല്ലാത്തൊരു വിമ്മിഷ്ടം..
മസ്തിഷ്‌കപ്രക്ഷാളനമാണെന്നാ ഡോക്ടര്‍ പറഞ്ഞത്..

പിന്നെ വളര്‍ന്നത്..
വീടിനടുത്ത് തന്നെ വേലായുധേട്ടന്റെ
ഒരു ഹോട്ടലുണ്ട്....
അവിടുന്ന് നേന്ത്രപ്പഴം കട്ടു തിന്നും..
കോംപ്ലാനൊന്നും ഇല്ലാത്ത കാലമല്ലേ.. നമ്മള് സടേന്ന് വളരണങ്കില്‍ നേന്ത്രക്കുല തന്നെ ശരണം....

പിന്നെ അവിടത്തെ പുളിച്ച മത്തിക്കറിയും പൊറോട്ടയും..
അഛന്റെ ട്രൗസറില്‍ നിന്ന് കാശടിച്ച് മാറ്റിയിട്ടായിരുന്നു ഈ മൃഷ്ടാന്ന ഭോജനം(അതെന്തോന്നാ... ആ...ഇടക്കൊക്കെ ഒരു സാഹിത്യം കെടക്കട്ട്.. അതല്ലേ അതിന്റൈയൊരു ഇത്)

കാര്‍ണിമ-ദാ ഒരു സര്‍പ്രൈസ് ഉണ്ട്.. അത് കഴിഞ്ഞിട്ട് നമുക്ക് സംസാരത്തിലേക്ക് വരാം..

(ഹോട്ടലുടമ വേലായുധേട്ടന്‍ വരുന്നു)

ഡാള്‍ഡ വിനോദ്- ഹൊ.. ഫന്റാസ്റ്റിക്.., മിസ്റ്റിക്.. അലാസ്റ്റിക്.. റിയലി ബോതേഡ്..വാട്ടെ പിറ്റി മൊമന്റ്..ഹാന്‍ഡ് സം.. വ്വ .. ക്രുവല്‍ ടൈം...

(രണ്ടും കെട്ടിപ്പിടിക്കുന്നു.. ഇരിക്കുന്നു)

വിനോദ്- എപ്പോഴും ഡാള്‍ഡ ഒലിപ്പിച്ച് നടന്നിരുന്ന എനിക്ക് ഡാള്‍ഡ വിനോദ് എന്ന് പേരിട്ടത് വേലായുധേട്ടനാണ്.(പണ്ടാറക്കാലാ ., മരിച്ചാലും മറക്കില്ല.)
ജീവിതത്തിന്റെ നീര്‍ച്ചുഴിയില്‍ നിന്ന്എന്നെ മുന്നിലേക്ക് തള്ളിയിട്ടതും ഈ അന്തം വിട്ടിരിക്കുന്ന വേലായുധേട്ടനായിരുന്നു(അന്ന് തള്ളിയതിന്റെ വേദന ഇപ്പോഴും മാറിയിട്ടില്ല..പൊറോട്ട തിന്നതിന്റെ കാശ് കൊടുക്കാഞ്ഞതിന് കഴുത്തിന് പിടിച്ചല്ലായിരുന്നോ തള്ള്.. സര്‍പ്രൈസ് ആണെന്നും പറഞ്ഞ് കൊണ്ട് വന്നിരിക്കുന്നു.)

വേലായുധന്‍- വല്ലാത്ത വാസനയായിരുന്നു അന്നും ഇവന്(നാറ്റം എന്നും മൊഴി മാറ്റാം)
ഇവന്റെ ഈ വളര്‍ച്ച എന്നെ അല്‍ഭുത പരതന്ത്രനാക്കുന്നു.

(വേലായുധേട്ടനോട് പോകാന്‍ പറയുന്നു.)

കാര്‍ണിമ- എങ്ങനെയായിരുന്നു സിനിമാ പ്രവേശനം..

വിനോദ്-കോടമ്പാക്കത്ത് ഞാനങ്ങനെ അലഞ്ഞു നടക്കുമ്പോഴാണ് ഞങ്ങളൊക്കെ സുക്രു എന്ന് വിളിക്കുന്ന സുകുമാരന്‍ മാഷെ കണ്ടത്..
അദ്ദേഹം എന്റെ വാസന തിരിച്ചറിഞ്ഞ് ചെന്ന് കുളിക്കാന്‍ പറഞ്ഞു..
ചന്ദ്രിക സോപ്പും വാങ്ങിത്തന്നു...കൂടെ കോള്‍ഗേറ്റും അഞ്ച് രൂപേടെ ബ്രഷും..

പിന്നെ വെച്ചടി കയറ്റമല്ലായിരുന്നോ..

-അടുത്ത സര്‍പ്രൈസിന് മുമ്പ് ഒരിടവേള

Tuesday, August 14, 2012

ആള്‍ ബ്രദേഴ്‌സ് ആര്‍ മൈ സിസ്‌റ്റേഴ്‌സ്‌

ഞാന്‍ എന്റെ രാജ്യമായ മിസ്ടര്‍ ഇന്ത്യയെ വല്ലാതെ സ്നേഹിക്കുന്നു ..

അതുകൊണ്ടുതന്നെ ഇന്ത്യയെ സ്നേഹിക്കുന്ന സകലമാന 
മണ്ണുഗൂസന്മാരെയും ഞാന്‍ സ്നേഹിക്കുന്നു ..

(രാജ , കനിമൊഴി ,വീരപ്പന്‍ റഹീം,മൃഗം സാജു,കൊടി സുനി, ട്രൗസര്‍ മേേനാജ്‌
ഗോവിന്ദ ചാമി ,കല്‍മാഡി,പാന്പ് വേലായുധന്‍ ,
പ്രവീണ്‍ സ്വാമി ,നരേന്ദ്ര മോഡി ,താക്കറെ ,
ബാബാ രാംദേവ് - എല്ലാവരും മൊത്തത്തില്‍ ഇന്ത്യ 
എന്നാ പ്ലട്ഫോമില്‍ പെടും കേട്ടോ _ നോട്ട് ദ പോയിന്റ്‌ )

ഇന്ത്യയില്‍ തന്നെ ജീവിക്കുന്നവരായത് കൊണ്ട് 
കടുവ ,പോത്ത്‌,ആന ,സിംഹം ,കണ്ടാമ്രിഗം,പുള്ളിപ്പുലി 
ഇത്യാദി എല്ലാ മൃഗാധി മൃഗങ്ങളെയും 
നമ്മെ രാഷ്ട്രീയമായി നവജാഗരിക്കുന്നവരായത് കൊണ്ട് പ്രധാനമന്ത്രി മന്‍മോഹന്‍ , 
ലതിനെ നയിക്കുന്ന സോണിയ,
സോണ്യാജിയുടെ കുടുംബം(ആ കുടുംബം വിട്ടുള്ള കളി പണ്ടേ കോണ്‍ഗ്രസ്സിനില്ല)
 ,ചിദംബരം,കാരാട്ട് ,അദ്വാനി 
തുടങ്ങി മനുഷ്യ മഹാന്മാരെയും ഞാന്‍ അതിരറ്റു സ്നേഹിക്കുന്നു ..

നിന്റെ സ്നേഹമോന്നും വേണ്ടടാ കോപ്പേ എന്ന മുഖഭാവമുള്ള 
അച്ചുമാമനെയും 
അങ്ങേരെ കണ്ടാല്‍ തന്നെ സ്നേഹം ഒലിച്ചിറങ്ങുന്ന 
പിണറായി സഖാവിനെയും 
പിണറായിക്ക് അങ്ങേയറ്റം പ്രണയമുള്ള
ബെര്‍ലിന്‍ നായരെയും ഞാന്‍ സ്നേഹിക്കുന്നു .

രക്തസാക്ഷിയായ ടിപി ചന്ദ്രശേഖരന്‍ സഖാവിനേയും
അദ്ദേഹത്തെ വെട്ടിമലര്‍ത്തിയ രക്തദാഹം തീരാത്ത സഖാക്കളേയും ഞാന്‍ സ്‌നേഹിക്കുന്നു..(എന്ത് ചെയ്യാം ഇന്ത്യക്കാരായിപ്പോയില്ലേ)

ഉമ്മന്‍ ചാണ്ടി -ചെന്നിത്തല 
കുഞ്ഞാലിക്കുട്ടി -സി എച് മകന്‍മുനീര്‍
 മമ്മൂട്ടി -തിലകന്‍ 
പൃഥ്വിരാജ് -പ്രേക്ഷകര്‍
സതീശന്‍- പിസി ജോര്‍ജ്
ബാലകൃഷ്ണപ്പിള്ള-ഗണേശ്‌
( ഈ നിര തീരില്ല കേട്ടോ ..
ടയ്പ്പ് ചെയ്തു കൈ കഴക്കുന്നു എന്നത് കൊണ്ട് നിര്‍ത്തി , അത്രമാത്രം )
തുടങ്ങി ആദ്യ കാഴ്ചയില്‍ തന്നെ സ്നേഹം ഉരുകിയൊലിക്കുന്ന 
സര്‍വ ചരാചരങ്ങളെയും ഞാന്‍ സ്നേഹിക്കുന്നു ..

അതോടൊപ്പം മേല്‍പ്പറഞ്ഞ കക്ഷികളെല്ലാം(പറയാത്തവരും )
എന്റെ 
സഹോദരീ സഹോദരന്മാരാണ് എന്നും 
ഞങ്ങള്‍ തമ്മില്‍ ഒരു ഉഡായ്പുകളും ഉണ്ടാകില്ല എന്നും 
ഞാനീ ബ്ലോഗിലൂടെ പ്രതിന്ജ ചെയ്യുന്നു 

NB-നിങ്ങള്‍ കാണുന്ന ഇന്ത്യ യൊന്നുമല്ല കേട്ടോ ഒറിജിനല്‍ ഇന്ത്യ ......
ബാക്കി മമ്മൂട്ടി യോട് ചോദിക്ക്

Monday, August 6, 2012

രക്തസാക്ഷികളെ ആവശ്യമുണ്ട്, താല്‍പ്പര്യമുള്ളവര്‍ പാര്‍ട്ടി ഓഫീസുമായി ബന്ധപ്പെടുക


പിണറായി സഖാവ് പറഞ്ഞതാ ശരി..
അത്കളെ ഇല്ലായ്മ ചെയ്യാന്‍ ഒരു മീഡിയസിന്‍ഡിക്കേറ്റ് തന്നെ പ്രവര്‍ത്തിക്കുന്നുണ്ട്.
(കൊടി സുനിയും ട്രൗസര്‍ മനോജുമൊക്കെ പേര് കേട്ട ജേണലിസ്റ്റുകളാണെന്നേ)
വെസ്റ്റ് ബംഗാളില്‍ ഇടതിനെ ഒതുക്കിയതും ഇവരുടെ ബീനാമികള്‍ തന്നെ..
ഇവര്‍ എന്ന് പറഞ്ഞാല്‍ റിപ്പോര്‍ട്ടര്‍ , ഇന്ത്യാവിഷന്‍,മനോരമ ന്യൂസ്, മാധ്യമം,മനോരമ, മാതൃഭൂമി...തുടങ്ങി ഇത്യാദികള്‍..
വെറും മഞ്ഞപ്പത്രങ്ങളും മഞ്ഞച്ചാനലുകളും..
മഞ്ഞ എന്നു കേള്‍ക്കുമ്പോഴേക്ക് എസ് എന്‍ ഡി പി എന്ന് പര്യായം വെക്കരുതേ..
അതൊരു 'പയേ' പ്രയോഗമാണ്..

ജോസഫ് പ്യുലിറ്റ്‌സര്‍ എന്ന് കേട്ടിട്ടില്ലേ..
(അങ്ങോരുടെ പേരിലാണ് പത്രപ്രവര്‍ത്തകര്‍ക്കുള്ള ഏറ്റവും വലിയ പ്രൈസ്- പ്യുലിറ്റ്‌സര്‍ പ്രൈസ്)
അമേരിക്കയിലെ വേഡ് പത്രത്തിന്റെ എഡിറ്ററായിരുന്നു ടിയാന്‍..
സംഭവാമി യുഗേയുഗേയായി പത്രം നടക്കുന്നതിനിടയിലാണ് ജേണല്‍ പത്രവുമായി ഹേഴ്സ്റ്റ് വരുന്നത്..
പിന്നെ മുടിഞ്ഞ മല്‍സരമായി.
പ്യുലിറ്റ്‌സറിന്റെ പത്രത്തിലെ കാര്‍ട്ടൂണ്‍ കഥാപാത്രമായിരുന്നു യെല്ലോകിഡ്(മഞ്ഞപ്പയ്യന്‍).
ഹേഴ്സ്റ്റ് വലിയ സാലറി വാഗ്ദാനം ചെയ്ത് ആ കാര്‍ട്ടൂണിസ്റ്റിനെയങ്ങ് വലിച്ചു.

അന്നുമുതല്‍ വലിച്ചും വാരിയുമുള്ള പത്രപ്രവര്‍ത്തന ശൈലിക്ക് മഞ്ഞ എന്ന് വിളിക്കാന്‍ തുടങ്ങി.

അപ്പോള്‍ ആ മഞ്ഞപ്പണിയാണ് ഈ ജേണലിസ്റ്റ് കുണ്ടാമണ്ടീസുകള്‍ ചെയ്ത് കൊണ്ടിരിക്കുന്നത് എന്ന് സാരം ..
കൈരളിയും ദേശാഭിമാനിയും ഇല്ലായിരുന്നുവെങ്കില്‍ ആളോള് സത്യമറിയാന്‍ എന്തോ ചെയ്യുമായിരുന്നു.
(ഈ ശൈലിക്ക് ചോപ്പന്‍ എന്ന് പറയും)

NB:
രക്തസാക്ഷികളെ ആവശ്യമുണ്ട്

മീഡിയാ സിന്‍ഡിക്കേറ്റുകളുടെ പ്രതികരണ കോലാഹലങ്ങളില്‍ സമ്മര്‍ദത്തിലായ പാര്‍ട്ടിക്ക് രക്തസാക്ഷികളെ ആവശ്യമുണ്ട്.
കാണുന്നതെല്ലാം തല്ലിപ്പൊട്ടിച്ചും ബോംബെറിഞ്ഞും ഹര്‍ത്താല്‍ പ്രഖ്യാപിച്ചുമുള്ള വിപ്ലവാന്തരീക്ഷം പാര്‍ട്ടി ഒരുക്കിത്തരുന്നതാണ്.ആകര്‍ഷകമായ ഓഫര്‍.താല്‍പ്പര്യമുള്ളവര്‍ പാര്‍ട്ടി ഓഫീസുമായി ബന്ധപ്പെടുക.

Thursday, August 2, 2012

ഹര്‍ത്താലുണ്ടാല്‍ പോരേ മക്കളേ .. കുഴിയെണ്ണണോ.?


ഖദീസാത്താക്ക് വല്ലാത്ത ആശ്ചര്യം ..

പത്ത്മണിയായിട്ടും മോന്‍ ജമാല്‍ പണിക്കൊന്നും പോകുന്നത് കാണുന്നില്ല....
ലെവന്‍ പുതപ്പിന്നടിയില്‍ ഗമണ്ടന്‍ ഉറക്കം തന്നെ..

'അല്ല മോനേ ജമാലേ നിനക്ക് പെയിന്റും പണിക്കൊന്നും പോണ്ടേ..'

'ഈ ഉമ്മാടെ ഒരുകാര്യം., ഇന്ന് ഹര്‍ത്താലല്ലേ ഉമ്മാ'

'റബ്ബൂല്‍ ആലമീനായ തമ്പുരാനേ., ഈ റമദാന്‍ മാസത്തിലും ഹര്‍ത്താലോ ..
അല്ല മോനേ ഇതിപ്പോ എന്തിനാ',

'അതിപ്പോ ., ഒരു പാര്‍ട്ടി നേതാവിനെ കൊലക്കേസില്‍ പ്രതിയായങ്ങ് പിടിച്ചു..
പോലീസ് അറസ്റ്റ് ചെയ്തു., അതിനാ ഹര്‍ത്താല്‍'

'പ്രതിയെ പോലീസ് അറസ്റ്റ് ചെയ്തതിന് ഹര്‍ത്താലോ
...നീ പണിക്ക് പോകാതിരിക്കാന്‍ ഓരോ കള്ളങ്ങള്‍ പറയാണ് ല്ലേ ബലാലേ'

'അല്ലുമ്മാ.., സത്യാ.. ങ്ങളെ കൊണ്ട് തോറ്റു.. ആ പത്രം എടുത്തൊന്ന് നോക്ക്.. അല്ല പിന്നെ'

'ന്റെ റബ്ബേ ഇത് വല്ലാത്ത കഷ്ടായല്ലോ..അപ്പൊ എന്താ അവര് ഹര്‍ത്താല്‍ നടത്തി പറയുന്നേ.. ആളേളെ കൊല്ലാനുള്ള ലൈസന്‍സ് അവര്‍ക്ക് കൊടുക്കണം ന്നോ..'

'ആ ., എനിക്കറിയില്ല.. ഹര്‍ത്താന്‍ തിന്നാല്‍ പോരേ.. കുഴിയെണ്ണണോ'

'പടച്ചോനേ എന്തൊക്കെയാ കേള്‍ക്കുന്നേ.. ഖിയാമം തന്നെ ഖിയാമം'

NB:
വണ്‍ ടു ത്രീ ഫോര്‍..
ഹര്‍ത്താലങ്ങട് പ്രഖ്യാപിച്ചു..


(ഇതെന്താ വെള്ളരിക്കാ പട്ടണമോ)


ഈ ഹര്‍ത്താല്‍ എന്ന് വെച്ചാല്‍ എന്നതാന്നറിയ്യ്വോ..
(അതറിയണേല്‍ സെന്‍സ് വേണം)

 സ്റ്റഡിക്ലാസിന് കൃത്യമായി വരാത്തത് കൊണ്ടാ നിങ്ങള്‍ക്കിതൊന്നും അറിയാത്തത്.. അതിന്റെ സൈദ്ധാന്തിക വിവക്ഷ തിരിയണേല്‍ സ്റ്റഡി ക്ലാസിന് തന്നെ വരണം..
സോഷ്യലിസം ഹര്‍ത്താലിലൂടെ എന്ന് കേട്ടിട്ടില്ലേ..
അതാണ്.. സ്‌കൂളില്ല..ഓഫീസില്ല., ഒരു കുന്തോമില്ല..
എല്ലാവര്‍ക്കും ഏഷ്യാനെറ്റ് മൂവീസും കണ്ടിരിക്കാം.. സമ്പൂര്‍ണ സമത്വം ..
ഹൊ തൊഴിലാളി വര്‍ഗത്തിന് തൊഴിലില്ലാ കാലം ....
മാര്‍ക്‌സച്ചായന്‍ കിനാവ് കണ്ടാ സൈം കാലം..

- ഈ തിരുവഞ്ചൂര്‍ പോലീസിനെയെങ്ങാനും ലത്കളുടെ കയ്യില്‍ കിട്ടിയാല്‍.. ദൈവ്വ്വേ.. അല്ലേലും ഈ പോലീസിന് ഹെല്‍മറ്റിടാ്ത്ത ബൈക്കന്‍മാരെ പിടിച്ചാല്‍ പോരേ..
ഇവരിങ്ങനെ കള്ളന്‍മാരേം കൊള്ളക്കാരേം കൊലയാളികളേം പിടിക്കാന്‍ തുടങ്ങിയാല്‍ അത്കളുടെ ഭാവി എന്താകും..
അല്ല ., എന്താകും..?



Tuesday, July 24, 2012

അപ്പൂപ്പനെന്താ ഇപ്പൊ കൊട്ടകേലൊന്നും പോവ്വ്വാത്തേ?'


അങ്ങനെ രണ്ടും മൂന്നും ദിവസം എട്ടും പത്തും മൈല്‍ നടന്നാണ് കുഞ്ഞുമോനെ ഈ അപ്പൂപ്പന്‍ കൊട്ടകയിലെത്തിയിരുന്നത്..
ഞങ്ങളൊക്കെ അന്ന് തറ ബഞ്ചുകാരാ..(എന്ന് വെച്ചാല്‍ കൂതറ എന്ന്)

പ്രേം നസീര്‍,സത്യന്‍,മധു,വിന്‍സെന്റ്, ഷീല, ശാരദ, ജയാഭാരതി,....
ഹൊ ... അന്നത്തെ കാലം ഓര്‍ക്കുമ്പോള്‍ കുളിര് പോരുന്നു.

ഒരു മരം കാണാം.. അതിന് ചുറ്റും പ്രേം നസീറും ശീലയുമൊക്കെ അങ്ങനെ മണ്ടി നടക്കും..
മോന്‍ ടോം ആന്റ് ജറി കണ്ടിട്ടില്ലേ .. അത്‌പോലെ ..
ഷീലയെ കാണുമ്പോള്‍ എനിക്ക് അയലത്തെ വാസന്തീനെ ഓര്‍മ്മ വരും..
പിന്നെ കൊട്ടക നിറയെ ഞാനും വാസന്തിയും..

ആയിരം കണ്ണുമായ് കാത്തിരുന്നു നിന്നെ ഞാന്‍..
എന്നില്‍ നിന്നും പറന്നകന്നൊരു പൈങ്കിളി മലര്‍ തേന്‍കിളി
മഞ്ഞുവീണതറിഞ്ഞില്ല,, വെയില്‍ വന്ന്് പോയതറിഞ്ഞില്ല..
ഓമനേ നീ വരും നാളുമെണ്ണിയിരുന്നു ഞാന്‍..
(അങ്ങനെ നാളെണ്ണിയിരിക്കും നേരത്ത് വന്നത് ഓമനയായിരുന്നില്ല., അവളുടെ ബ്ലഡി ഫാദര്‍ ആന്റ് ബ്രദേഴ്‌സ്.. എന്തിനോ വേണ്ടി തിളക്കുകയായിരുന്നു അവരുടെ കൈകാലുകള്‍... പിന്നെ അരമണിക്കൂര്‍ നേരത്തേക്ക് ഒന്നും ഓര്‍മയില്ല.. മഞ്ഞുവീണതറിഞ്ഞില്ല.. വെയില്‍ പോയതറിഞ്ഞില്ല..)

സിനിമ എന്ന് പറഞ്ഞാല്‍ എനിക്കന്നൊരു കമ്പമായിരുന്നു.. കമ്പമല്ല.. ഒരുമാതിരി പ്രാന്തന്നെ...
ഓര്‍മ്മ വരുന്നു എനിക്കാ കുട്ടിക്കാലം ..ഒരോ ദിവസവും ഒരോ പടം..

പിന്നെ റേഡിയോ വന്നു.. ടി വി വന്നു...
പണ്ടൊരു ദൂരദര്‍ശന്‍ ഉണ്ടായിരുന്നു..(ഇപ്പോ മയ്യത്തായോ എന്നറീല്ല)
ഒരു പടം കാണണേല്‍ ഞായറാഴ്ച നാല്മണി വരെ വെയ്റ്റണം...
വീടിന്റെ ഉമ്മറത്ത് നാലായിരം പേരുംണ്ടാവും..
എന്തായിരുന്നു അതിന്റെയൊക്കെ ഒരു ചന്തം....


പ്രവാചകന്‍മാരെ പറയൂ പ്രഭാതമകലെയാണോ..
പ്രപഞ്ചശില്‍പികളേ പറയൂ പ്രകാശമകലെയാണോ...



'അപ്പൂപ്പനെന്താ ഇപ്പൊ കൊട്ടകേലൊന്നും പോവ്വ്വാത്തേ?'

ഇപ്പൊ ഇതല്ലേ നമ്മുടെ കൊട്ടക-
ഇന്നലെകള്‍ ഇന്നിനോട് പറയും --നമ്മുടെ തീയേറ്റര്‍ ഏഷണി നെറ്റ് മൂവീസ്

NB:
അല്ലെങ്കിലേ കിട്ടുവിന് ഒന്നിനും ടൈമില്ല.. ഫേസ് പുത്തകം തന്നെ പഠിച്ച് തീര്‍ക്കാനുണ്ട് ഒട്ടേറെ...അപ്പൊ ദേ വരുന്നു.. ഏഷണി നെറ്റ് മൂവീസ്..
ദൈവ്വേ.. ഇതെല്ലാം കിട്ടൂനേം കൊണ്ടേ പോകൂ....


Tuesday, July 17, 2012

ഫേസ്ബുക്ക്‌ കിട്ടുവിന്റെ സത്യാന്യേഷണ പരീക്ഷണങ്ങള്‍




കഥ ഇത്‌വരെ
ഒരിടത്തൊരിടത്ത് കിട്ടു എന്ന കുട്ടിയുണ്ടായിരുന്നു.
അവനൊരു പാവമായിരുന്നു.
എല്ലാവരേയും പോലെ തന്നെ അവനും സ്‌കൂളില്‍ പോയി.
മെല്ലെമെല്ലെയാണെങ്കിലും അവനും മുതിര്‍ന്നു.
അഞ്ചാംക്ലാസില്‍ പഠിക്കുമ്പോഴാണ് ലൗ ലെറ്റര്‍ എന്നൊരു ഹുന്ത്രാപ്പി അവന്റെ കണ്ണില്‍പെടുന്നത്.
ഇക്കമാരും ഏട്ടന്‍മാരും സ്ഥിരം അതിന്റെ രചനയിലേര്‍പ്പെടുന്നത് അവന്‍ ശ്രദ്ധിച്ചു.പെണ്‍കുട്ടികള്‍ക്കാണത്രെ ആ ലെറ്റര്‍ കൊടുക്കുക.
കിട്ടുവും മനോരാജ്യം കണ്ടു.
ഏട്ടന്‍മാരെ പോലെ വലുതായാല്‍ എനിക്കും എഴുതണം ഒരു ഗമണ്ടന്‍ ലൊ ലെറ്റര്‍... പ്കഷേ ആര്‍ക്കാണത് കൊടുക്കുക..?
ഇഷ്ടപ്പെടുന്ന പെണ്‍കുട്ടിക്ക്‌ കൊടുത്താല്‍ മതിയെന്ന് കൂട്ടുകാരന്‍ ഷുക്കൂറാണ് അവന് പറഞ്ഞ് കൊടുത്തത്.
എന്നെ ഇഷ്ടപ്പെടുന്നവര്‍ക്കോ അതോ ഞാനിഷ്ടപ്പെടുന്നവര്‍ക്കോ.. കിട്ടുവിന് പിന്നെയും സംശയം ബാക്കി..
ഏട്ടന്‍മാരെ പോലെ കിട്ടുവും വലുതായി.
പക്ഷെ അപ്പോഴേക്കും കത്തെഴുത്ത് എന്ന കലാപരിപാടി തന്നെ എടുത്ത് പോയിരുന്നു.വി എസ് അഛുദാനന്ദന്‍ മാത്രം ഇടക്കിടെ പോളിറ്റ് ബ്യൂറോവിലേക്ക് കത്തെഴുതും.അത്രമാത്രം..

കിട്ടുവിന്റെ ഹൃദയം പൊട്ടി.. ഇനി ഞാനെങ്ങനെ ലെറ്റര്‍ എഴുതും..
ഷുക്കൂര്‍ തന്നെ പറഞ്ഞ് കൊടുത്തു..
മോനേ , ഇപ്പോള്‍ ഫേസ്ബുക്കാ..
എല്ലാം എളുപ്പമാണെന്നേ..ലൗ ലെറ്റര്‍ കാലത്തെ റിസ്‌കും എടങ്ങേറുമില്ല..
ചുമ്മാ പേഴ്‌സണല്‍ ചാറ്റിംഗില്‍ ചെല്ലുക..ഹായ്കൂയ് എന്നും പറഞ്ഞ് തുടങ്ങുക.
അങ്ങനെ ഷുക്കൂര്‍ തന്നെയാണ് കിട്ടുവിന് ഫേസ്ബുക്ക് അക്കൗണ്ട്് ഉണ്ടാക്കി കൊടുത്തത്..
പ്രൊഫൈല്‍ നൈം kittu k kittu ...

ഇപ്പോഴത്തെ കഥ

പാവം കിട്ടു. അവനിപ്പോള്‍ ഊണില്ല., ഉറക്കമില്ല..
ഒരേസമയം അഞ്ചാറ് പെമ്പിള്ളേരുമായി ചാറ്റുന്നതിലെ എടങ്ങേറ് അവനല്ലേ അറിയൂ..കടയില്‍ പോടാ എന്നൊച്ചയിടുന്ന അമ്മക്കിതെങ്ങാനും അറിയുമോ..
(ആ അഞ്ചാറ് പേരില്‍ അഞ്ചെണ്ണവും ഫേക്ക് ആണെന്ന കാര്യം കിട്ടുവിനറിയില്ല., ഗീതു എന്ന പേരില്‍ അവനോട് ചാറ്റുന്നത് അവന്റെ ഫ്രണ്ട് ഷുക്കൂര്‍ തന്നെയാണ്.. ഷുക്കൂറിനോട് പറയാത്ത എത്രയെത്ര രഹസ്യങ്ങളാണ് കിട്ടു ഗീതുവിനോട് പറഞ്ഞിരിക്കുന്നത്)

എന്തായാലും കിട്ടുവിനിപ്പോള്‍ ഒട്ടും സമയമില്ല., വായിക്കാനും പഠിക്കാനും..
പോരാത്തതിന് ഗ്രൂപ്പ് വഴക്കുകളും അവന് മാനേജ് ചെയ്യണം.
(രാഷ്ട്രീയത്തില്‍ മാത്രമല്ല ഗ്രൂപ്പിസം)
ഒരാള്‍ ഒരു ഗ്രൂപ്പുണ്ട്ാക്കി..കുറേപേരെ ആഡ് ചെയ്തു..പിന്നെ പലരേയും പുറത്താക്കി.. ആകെ ഇടിയും കുത്തും...
നീയെന്തിനാ ലൈക്കിയേ .. നീയെന്തിനാ കമന്റിയേ..നീയെന്തിനാ ഡീലീറ്റിയേ.. നീയെന്തിനാ ബ്ലോക്കിയേ..
ആകെ മൊത്തം ടോട്ടല്‍ ബഹളമയം..
ഈ ഗ്രൂപ്പിസം കണ്ട് നില്‍ക്കുന്നതിനിടയിലതാ വരുന്നു സൗമ്യയുടെ മെസേജ്.. hi hru...
ഉടനെ റീപ്ലേ കൊടുത്തു.. hi dear ... out of rain (പുറത്ത് മഴയാണ് എന്നാണ് കിട്ടു ഉദ്ദേശിച്ചത്)

ഇനിയത്തെ കഥ

കിട്ടു ഒരു ഗമണ്ടന്‍ യുവാവായി. ഗവണ്‍മെന്റ് ഉദ്യോഗം കിട്ടി. ഏതോ ഒരു വനജയെ കല്യാണം കഴിച്ചു.
ഒരു ദിവസം കിട്ടുവും വനജയും എന്തോ കാര്യത്തില്‍ വഴക്കിട്ടു.
വനജ- നിങ്ങളെ എനിക്കറിയാം.., നീങ്ങളാ സൗമ്യയുമായി എന്തോരം പ്ഞ്ചാര വര്‍ത്തമാനങ്ങളാ പറഞ്ഞിരുന്നേ.. മൊശകൊടന്‍..

കിട്ടു അന്തം വിട്ടു നിന്നു...
(വനജയുടെ ഫ്രണ്ടായിരുന്നത്രെ സൗമ്യ. .. സൗമ്യ കോളേജ് കാലത്ത് എന്നും വനജയോട് പറയുമായിരുന്നു.. ഒരു പൊട്ടന്‍ കിട്ടു എന്റെ വലയില്‍ കുരുങ്ങിയിട്ടുണ്ടെടീ.. അവനെയൊന്ന് വട്ടം കറക്കട്ടെ)

Tuesday, July 10, 2012

വൈഫിന്റെ ലൈഫ് സെയ്ഫാണോ ?



വൈഫിന്റെ ലൈഫ് ഫര്‍ത്താവില്‍ സൈഫാണോ എന്ന ചാനല്‍ പ്രോഗ്രാമിലേക്ക് സ്വാഗതം..
ഏറ്റവും മികച്ച ദമ്പതുകള്‍ക്ക് ഫ്‌ലാറ്റ് കിട്ടുന്നതാണ്.
മല്‍സരത്തിന്റെ ആദ്യ ഇനം..ലൗലെറ്റര്‍ രചന..
ഭര്‍ത്താവ് ഭാര്യക്ക് ഒരു ഗമണ്ടന്‍ ലൗ ലെറ്റര്‍ എഴുതണം..
ഏറ്റവും നല്ല ലൊ ലെറ്റര്‍ രചയിതാവിന് സമ്മാനമേ സമ്മാനം., സമ്മാനമേ സമ്മാനം..
അപ്പോള്‍ തുടങ്ങാം.. മൊയ്തു ആന്റ് കദീസു ഓണ്‍ ദ സ്‌റ്റേജ്...

'മിസ്റ്റര്‍ മൊയ്തു ആന്റ് കദീസു ., നിങ്ങള്‍ മുഖത്തോട് മുഖം നോക്കി അന്തം വിട്ടിരിക്കൂ.. ഇനി റീഡ് ചെയ്യു..'

മൊയ്തു - എന്റെ പ്രിയപ്പെട്ട കദീസുവിന്.. എന്റെ അകതാരില്‍ ആകെ മൊത്തം ടോട്ടല്‍ നീയാണ്.. ഒരു ബീഫും പൊറോട്ടയും അടിക്കാമെന്ന് വെച്ചിട്ട് അതിന്ന് പോലും എന്റെ ഉള്ളില്‍ ഇടമില്ല... അതെ എന്റെ ഉള്ളത്തില്‍ നീയാണ്..
കാലിലും നീയേ.. ഖല്‍ബിലും നീയേ...
നീ കേട്ടിട്ടില്ലേ ആ പാട്ട്.. കാതല്‍ പിശാശ്.. കാതല്‍ പിശാശ്...(സത്യായിട്ടും നീ പിശാശ് ആണെന്നല്ല)..
നിന്റെ കാലില്‍ ഒരു മുള്ള് തറക്കുമ്പോ അതെന്റെ ഹൃദയത്തിലാണ് തറക്കുന്നത്..
പണ്ട് തന്നെ അമ്മായിത്തള്ള (എന്റെ ഉമ്മ) സിറ്റൗട്ടിലേക്ക് തള്ളിയിട്ടപ്പോ സത്യായിട്ടും എനിക്ക് ചിരിക്കാന്‍ മുട്ടിയതാ..
ബട്ട് ഞാന്‍ ചിരിച്ചില്ല.. കാരണം..നിന്നോടുള്ള ഹുബ്ബ് തന്നെ...

നീയുണ്ടാക്കുന്ന ഓരോ പരിപ്പ് വടയിലും മൊഹബ്ബത്തുണ്ട്....
ചോറിലും കറിയിലും മൊഹബ്ബത്തുണ്ട്(വേണ്ടത്ര ഉപ്പും മുളകുമില്ലെങ്കിലും)

നിന്നെ കിട്ടിയ (കെട്ടിയ) ഞാന്‍ എന്തുമാത്രം ഭാഗ്യവാനാണ്. പ്രിയതമേ...
നിന്റെ കണ്ണുകള്‍ നിറയുമ്പോള്‍ എന്റെ ഉള്ളം നിറയുന്നു.(ഹി ഹി)

നിന്റെ സ്‌നേഹം, സഹിഷ്ണുത, വിനയം,എളിമ, മഹിമ എല്ലാം എന്നെ വിജൃംഭിപ്പിക്കുന്നു.(കോപ്പാണ്).

നീയില്ലാതെ ഞാനില്ല. ഞാനില്ലാതെ നീയില്ല..ഞാനും നീയുമില്ലേല്‍ പിന്നെ ഈ വേള്‍ഡില്ല...

- എല്ലാം കേട്ട് കദീസു പൊട്ടിക്കരയുന്നു-

കദീസു- എനിക്കറിയാം എന്റെ മൊയ്തുക്കാക്ക് എന്നെ പെരുത്തിഷ്ടാണെന്ന്..(പശ്ചാത്തല സംഗീതമായി കരച്ചില്‍).
ഞാന്‍ പൊരിച്ച (കരിച്ച) മീന്‍ തിന്ന് ഉഗ്രനായിട്ടുണ്ട് എന്ന് ഇക്ക പറഞ്ഞപ്പോള്‍ ശരിക്കും ഞാന്‍ എഞ്ചോയ് ചെയ്തു.എന്റെയും ഭാഗ്യമാണ് ഈ ഇക്കയെ കിട്ടിയത്. ഇക്കയുടെ തമാശകളും എനിക്കിഷ്ടമാണ്. ആ നര്‍മ്മബോധം. ഇടക്കിടെ ഇക്ക വിറ്റ് പറയും. ഹോട്ടലാണെന്ന് കരുതി ബാര്‍ബര്‍ഷാപ്പില്‍ കയറി.........ശരിക്കും ഞാന്‍ ചിരിച്ച് ചിരിച്ച് ഹലാക്കാകും..ഒരു സംഭവം തന്നെയാണ് ഇക്ക...
(കരച്ചില്‍ സ്റ്റോപ്പ് ചെയ്യുന്നു)

ഇനി ജഡ്ജസ്് പറയൂ....

ശോശാമ്മ- കദീസു , ശരിക്കും കരഞ്ഞു, കരയുമ്പോഴും മേക്കപ്പ് ഇളകാതിരിക്കാന്‍ ഒന്ന്് ശ്രദ്ധിക്കാമായിരുന്നു. ബാക്കിയെല്ലാം ഓകെ..

തങ്കമ്മ- ശരിക്കും കദീസു എന്നേം കരയിപ്പിച്ചു. കദീസുവിന്റെ കരച്ചില്‍ കണ്ട് ഭര്‍ത്താവിന്റെ മുട്ടന്‍ ഇടികള്‍ കൊണ്ട്് അലറിക്കരയുന്ന എന്നെ തന്നെയാണ് എനിക്കോര്‍മ്മ വന്നത്..

ആയ്ശുമ്മ- സത്യം പറയാമല്ലോ കദീസു., നിങ്ങളുടെ കരച്ചില്‍ കണ്ട് ശരിക്കും ഞങ്ങള്‍ എഞ്ചോയ് ചെയ്തു.. ബെസ്‌റ്റോഫ് ലക്ക്...

Tuesday, June 19, 2012

നടക്കുമ്പോഴും കൂടെകൂടുന്ന കാണാകസേരകള്‍





ഇരുന്നെണീറ്റതിന് ശേഷവും ചില കസേരകള്‍ നമ്മുടെ പിറകെ കൂടാറുണ്ട്.
ആഢ്യത്വവും ഹുങ്കഹന്തയും ഉള്ളടക്കം ചെയ്ത ചില കാണാകസേരകള്‍..
ഈ കറങ്ങും കസേരയുടെ പേബാധ കൊണ്ടാവണം മുഖത്ത് ചിരി ചിന്താത്തത്...വായില്‍ വാക്കുദിക്കാത്തത്..
ബസില്‍, ട്രെയിനില്‍,
വഴിനടത്തത്തിന്നിടയില്‍,
അരികെയുള്ളവര്‍ക്ക് മുഖം കൊടുക്കാത്തത്..

മനുഷ്യന്റെ വ്യക്തിത്വത്തിലേക്ക് കുടിയേറിപ്പാര്‍ക്കുന്നു പലപ്പോഴും കസേരകള്‍..
വികലവിചാരങ്ങളുടെ എന്തോ ഒന്നായി അതവനെ രൂപം ചെയ്യുന്നു.അങ്ങനെ ഇരിക്കാനുള്ള കേവലമൊരിടം മാത്രമല്ല കസേര എന്ന് വരുന്നു..

സോക്രട്ടീസ് കെ വാലത്തിന്റെ കാണാകസേര എന്ന കഥ അകങ്ങളില്‍ കുരുങ്ങിക്കിടക്കുന്നു ഇപ്പോഴും.

'കസേര ഇനിയും നിങ്ങളെ ഉയരങ്ങളിലെത്തിക്കും ഘന്‍ശ്യാം..അഹംബോധത്തിന്റെ നൂറ്റൊന്നാം പടിക്കെട്ട്ില്‍ നിന്ന് നിങ്ങള്‍ കട്ടിമീശ തലോടി , കഷണ്ടിത്തലയാട്ടി , സ്വന്തം ജീവനക്കാരുടെ പുഴുത്തജീവിതത്തെ നോക്കി ചിരിക്കും '

അധികാരത്തിന്റെ പര്യായമാണ് കഥയിലെ കസേര..
ആ കസേക്കൊത്ത്
അത് പ്രകടനം ചെയ്യുന്ന പദവിക്കൊത്ത്
ആ പദവിയുടെ മിനുമിനുപ്പിനൊത്ത് എങ്ങനെ അതിലിരിക്കുന്നവന്‍ പാകപ്പെടുന്നു.. അവനില്‍ പരുക്കത കയറിപ്പറ്റുന്നു എന്ന് കഥാകൃത്ത് അതിശയമെഴുതുന്നു..

അന്യരില്‍ അധികാരം പ്രയോഗിക്കാനുള്ള മനുഷ്യന്റെ പ്രവണതോര്‍ജത്തെ പറയുന്നൊരു കഥയുണ്ട്.
ജോലിസ്ഥലത്ത്‌ എന്തോ ഒരു കാര്യത്ത്ില്‍ സ്റ്റാഫിനോട് ചൂടാകുന്നു ഓഫീസര്‍..
ഓഫീസറോടുള്ള പകയും ദേഷ്യവും അകം ചെയ്ത മനസ്സുമായാണയാള്‍
പിന്നീട് വീട്ടിലെത്തുന്നത്..
അല്ല, ഇതെന്ത് പറ്റിയെന്ന് ഭാര്യ.. നിന്റെ തലയെന്നും പറഞ്ഞയാള്‍ഭാര്യയോട് കയര്‍ക്കുന്നു..
കേട് വന്ന കളിപ്പാട്ടം ശരിയാക്കിത്തരുമോ എന്ന് കൊഞ്ചി അന്നേരമാണ് അമ്മയുടെ അടുത്ത് അവരുടെ മകനെത്തുന്നത്..
ഭര്‍ത്താവിന്റെ ദേഷ്യം പറച്ചിലില്‍ ക്രമം തെറ്റി നില്‍ക്കുന്ന അവര്‍ ആ കളിപ്പാട്ടം വലിച്ചെറിയുന്നു.
അടുത്തുള്ള പട്ടിക്കുട്ടിയെ ആഞ്ഞ്ചവിട്ടി മകനും തനിക്കുള്ള അധികാരത്തെ വെളിച്ചം കാട്ടുന്നു..

രവീന്ദ്രനാഥ ടാഗോറും ഒരു കസേരക്കഥ പറയുന്നുണ്ട്..
മകളുടെ വിവാഹം പ്രമാണിച്ച് തനിക്ക് ഏതാനും ദിവസത്തെ ലീവ് വേണമെന്ന് പറഞ്ഞ് ഹെഡ് ഓഫീസിലേക്ക് അപേക്ഷ അയക്കുന്ന ഈശാനന്റെ കഥ..
ആവശ്യം വളരെ നിസാരമെന്ന് പറഞ്ഞ് മേലധികാരി അവധി നിഷേധിക്കുന്നു..വേണേല്‍ നവരാത്രികാലത്ത് അവധി തരാം.

നിയമങ്ങള്‍., വ്യവസ്ഥകള്‍..എല്ലാം മനുഷ്യന്ന് വേണ്ടിയാണ്..
അല്ലാതെ അവക്ക് വേണ്ടിയല്ലല്ലോ മനുഷ്യന്‍ എന്ന് അരിശം പറയുന്നു സോക്രട്ടീസ് കെ വാലത്ത് ഈ കഥയില്‍..

'പാട്രിയോര്‍ക്കാ രാജാവിന്റെ കാലത്ത് കറങ്ങി ഭരിക്കുന്ന ഏര്‍പ്പാടില്ല.ഭരിച്ച് കറക്കലേ ഉണ്ടായിരുന്നുള്ളൂ'

ഒന്നും സ്ഥിരമല്ലാത്ത ലോകത്ത് കസേരകള്‍ക്ക് മാത്രമായിട്ടെന്ത്‌ എന്ന പൊള്ളുന്ന ചോദ്യം ശേഷം ചെയ്തിട്ടാണ് കഥയൊടുങ്ങുന്നത്.

'ഇന്നേക്ക് കൃത്യം 364 ദിവസവും 11 മണിക്കൂറും 30 മിനുറ്റും 3 സെക്കന്റും തികയുന്ന നേരം , കടലോരത്തെ നിങ്ങളുടെ നെടുങ്കന്‍ ഫ്ഌറ്റിന്റെ പതിനാറാം നിലയിലെ വര്‍ക് ഏരിയക്ക് പിന്നിലുള്ള കൈവരിയില്ലാത്ത് ബാല്‍ക്കണിയില്‍ വെച്ച് ഒരു കടന്നല്‍, ഒരു കുഞ്ഞ്് കടന്നല്‍ മൂളിക്കൊണ്ട് നിങ്ങളെ വട്ടം ചുറ്റി പറന്ന്്‌പോകും.പിന്നോട്ടുള്ള ആയലില്‍ ഒരിക്കലും താഴേക്ക്് പോകാന്‍ ആഗ്രഹിക്കാത്ത നിങ്ങള്‍ ഒരു ദിവസത്തെ ഫഌറ്റ്‌ ജീവിതത്തിന്റെ അവശിഷ്ടങ്ങളൊക്കെയും നിറച്ച് ഒരു വെയ്‌സ്റ്റ് കിറ്റ് എന്നപോലെ അതിവേഗം താഴേക്ക് പോരുമ്പോള്‍ ഒരു ആറുനില സ്ഥാപനത്തിന്റെയത്ര വ്യാപ്തിയുള്ള ശാപം ഇരമ്പിയാര്‍ക്കുന്ന കടന്നലുകളെന്നോണം നിങ്ങളെ വിടാതെ പൊതിഞ്ഞെന്ന് വരും ..
ശേഷം....? നിങ്ങളുടെ കസേര അടുത്ത ഊഴക്കാരനെ കാത്ത് നിവര്‍ന്ന് തന്നെ ഇരിക്കും '

Wednesday, June 13, 2012

മഴപെയ്യുമ്പോള്‍ പ്രണയം കുത്തിയൊലിക്കുന്നു പോലും..ചുമ്മാ ബഡായി





ഹോ... മഴ...
നിര്‍വൃതിയുടെ എവറസ്റ്റാകുന്നു മഴ..
ഉള്ളിലെ ഉല്‍ക്കകളെ കെടുത്താന്‍ പോന്ന കുളിര്‍മയുടെ കൂക്ക്് വിളിയാകുന്നു മഴ....

മഴപെയ്യുന്നു മദ്ദളം കൊട്ടുന്നു..
മഴയെത്തും മുമ്പേ(വീടെത്തണം ., അല്ലേല്‍ പനി പിടിക്കുംന്നേ)

ചന്നം പിന്നം മഴപെയ്യമ്പോള്‍ എന്നിലെ കവി കവിതയെഴുതുന്നു..
കവിതയെ എഴുതുന്നു..(അതാരാണെന്ന് ചോദിക്കരുത് ., പ്ലീസ്)
എന്നിലെ കഥാകൃത്ത് കഥകളെ കൃത്തിക്കുന്നു..
എന്നിലെ ലേഖനിസ്റ്റ് ലേഖനം വിളമ്പുന്നു..
(ബട്ട് എല്ലാം അണ്‍സഹിക്കബ്ള്‍)

പൊന്നാരമഴയേ വായോ വായോ..
എന്നോടൊന്ന് മിണ്ടാന്‍ വായോ..
എന്നോടൊപ്പം ഡാന്‍സാന്‍ വായോ..
(മഴപെയ്യുമ്പോള്‍ വെയിറ്റിംഗ് ഷെഡില്‍ കയറിക്കൂടുന്നവനാണ് ഗമണ്ടന്‍ പാട്ടിറക്കുന്നത്)

ചിലര്‍ക്ക് പ്രണയമാണ് മഴ..
മഴപെയ്യുമ്പോള്‍ പ്രണയം കുത്തിയൊലിക്കുന്നു പോലും...

ഓര്‍മ്മയുണ്ടോ സഖീ..
ആ .. മഴക്കാലം...
അന്ന് നിനക്ക് തരാനായി ഞാന്‍ കരുതി വെച്ച ആ ലൗ ലെറ്റര്‍ ചാറ്റല്‍മഴയേറ്റ് നനഞ്ഞ് കുതിര്‍ന്ന് ജീവനറ്റ് ....
പാടവരമ്പില്‍ കിടപ്പുണ്ടാകുമോ സഖീ ഇപ്പോഴും ആ ലൗ ലെറ്റര്‍..
ലൗ ലെറ്റര്‍ ഇല്ലേലും അതിന്റെ ആത്മാവ് ഉണ്ടാകും .. തീര്‍ച്ച...
ഞാന്‍ അതിനരികെ ഇരുന്ന് ഒന്ന് ചിന്നം വിളിക്കട്ടെ..
പ്രിയ സഖീ ഒരു ഡൗട്ട് കൂടെ ചോദിക്കട്ടെ.. എന്ത് കൊണ്ടാണ് മഴപെയ്യുമ്പോള്‍ നമ്മളിങ്ങനെ നനയുന്നത്..
(ഇറങ്ങുമ്പോഴേ പറഞ്ഞതാ കുട കൂടെ കരുതാന്‍.. കേട്ടില്ല
എന്നിട്ടിപ്പോ നനയുന്നു പോലും.. ബ്ലഡി കാമുകന്‍)

ചില എഴുത്തുകള്‍ അല്‍പം കൂടി തീവ്രമാണ്.. ദാ കേട്ടോളൂ..
(ഇത് നടന്‍ ജഗതിച്ചേട്ടന്റെ വകയാണ്)

ആ പെരും മഴയത്ത്്..
അപരാഹ്നത്തിന്റെ അനന്തപഥങ്ങളില്‍ അവന്‍ നടന്നകന്നു..
ഭീമനും യുധിഷ്ഠിരനും ബീഡിവലിച്ചു..
പാറിവന്ന മഴതട്ടി ആ ബീഡി കെട്ടുപോയി...
സീതയുടെ മാറ്പിളര്‍ന്ന് രക്തം കുടിച്ചു ദുര്യോധനന്‍..
മഴപെയ്തിട്ടാണെന്ന് തോന്നുന്നു
ഗുരുവായൂരപ്പന് ജലദോഷമായിരുന്നു അന്ന്..
അമ്പലത്തിന്റെ അകാല്‍വിളക്കുകള്‍
തെളിയുന്ന സന്ധ്യയില്‍ അവനവളോട് ചോദിച്ചു.....
ഇനിയും നീ ഇതിലേ വരുമോ..
ആനയേയും തെളിച്ച് കൊണ്ട്....
ആനക്ക് പനി പിടിക്കാതിരിക്കാന്‍ പോപ്പിക്കുടയും കരുതണം....
.....................................................................

Tuesday, June 5, 2012

ക്രിക്കുട്ടന്‍





തിനാലാം നൂറ്റാണ്ടില്‍ ഉടലെടുത്ത ഒരു വല്ലാത്ത കളിയാകുന്നു ക്രിക്കറ്റ് ..
ഇംഗ്ലണ്ട്കാരാകു്ന്നു ഈ മഹാസംഭവം കണ്ട്പിടിച്ചത്..
മൂന്ന് സുപ്രധാന വകഭേദങ്ങളാകുന്നു ക്രിക്കറ്റിനുള്ളത്..
ടെസ്റ്റ്,ഏകദിനം,ട്വന്റ്ി20......

(അഞ്ച് ദിവസത്തെ ക്രിക്കറ്റ് കളി കാണുംവരെ നാലുദിവസത്തെ നളചരിതം കഥകളിയാണ് ലോകം കണ്ട ഏറ്റവും വലിയ കളി എന്നായിരുന്നു അലമേലു മങ്കതാരുയമ്മയുടെ വിചാരം- വികെഎന്‍ )

ഓസ്‌ട്രേലിയ, ഇംഗ്ലണ്ട്,ദക്ഷിണാഫ്രിക്ക, വെസ്റ്റന്‍ഡീസ്,ന്യൂസിലന്റ്,ഇന്ത്യ,പാക്കിസ്ഥാന്‍,ശ്രീലങ്ക,സിംബാബ്വെ,ബംഗ്ലാദേശ്, എന്നിവരാകുന്നു പ്രധാന ടീമുകള്‍,

നാല് വര്‍ഷം കൂടുമ്പോള്‍ ലോകകപ്പ് എന്ന മഹാമാമാങ്കം നടക്കും.
196 രാജ്യങ്ങളുള്ള ലോകത്ത് 14 രാഷ്ട്രങ്ങളെ വെച്ചാകുന്നു 'വേള്‍ഡ്' കപ്പ് നടക്കാറ്...

ഒരു ടീമില്‍ പതിനൊന്ന് പേര്‍ ഇമ്പോര്‍ട്ടന്റാകുന്നു

പിച്ചിന്‌ ഏകദേശം 20 മീറ്റര്‍ നീളം വേണം...
സ്റ്റമ്പുകള്‍ക്ക് തറനിരപ്പില്‍ നിന്ന് 71.1 സെന്റീമീറ്റര്‍ ഉയരംകാണണം...

155.9 ഗ്രാം കനമുള്ള പന്ത് കൊണ്ടുള്ള ഏറ് 38 ഇഞ്ച് നീളമുള്ള ബാറ്റ്‌കൊണ്ട് അടിച്ച് തൂഫാനാക്കുക എന്നതാകുന്നു ക്രിക്കറ്റ് കളിയുടെ പോളിസി..

ഈ മഹത്തായ കളിയുടെ ബര്‍ക്കത്ത് കൊണ്ടാകുന്നു നമ്മള്‍ ഭാരതീയര്‍ ലോകത്തിന് മുന്നില്‍ നമ്മുടെ അന്തസ്സ് ഇടക്കിടെ ഉയര്‍ത്തിപ്പിടിക്കുന്നത്..
ക്രിക്കറ്റ് കളിയിലൂടെ ഇപ്പോഴും ഇന്ത്യയുടെ അന്തസ്സ് ഉയര്‍ത്തിപ്പിടിക്കുന്നത് സചിന്‍ എ്ന്ന വലിയ മനുഷ്യനാകുന്നു..

(ആദ്യ ഏകദിനത്തില്‍ തന്നെ പൂജ്യനായ കളിക്കാരനായിരുന്നു സചിന്‍.ആദ്യ ടെസ്റ്റില്‍ 15 റണ്‍സ്്)

ഈയിടെ അദ്ദേഹം വളരെ കഷ്ടപ്പെട്ട് നൂറ് സെഞ്ചറികള്‍ പൂര്‍ത്തിയാക്കി വീണ്ടാമതും ഭാരതത്തിന്റെ അന്തസ്സ്് ഉയര്‍ത്തിപ്പിടിക്കുകയുണ്ടായി..

ഒരു കൊല്ലം മുമ്പാകുന്നു അദ്ദേഹം 99 സെഞ്ച്വറികള്‍ തികച്ചത്..
നൂറിലേക്കെത്താനെടുത്ത ഒരു കൊല്ലം അന്തസ്സില്ലാതെ നമ്മുടെ മഹാഭാരതം ആകെ കഷ്ടപ്പെടുകയായിരുന്നു..
ആ കഷ്ടപ്പാടുകള്‍ക്കും ദുരിതങ്ങള്‍ക്കുമാകുന്നു ഇപ്പോള്‍ സചിന്‍ അറുതി വരുതിയിരിക്കുന്നത്..
ഇേപ്പാഴദ്ദേഹം രാജ്യസഭാ എംപിയായി പിന്നെയും രാജ്യത്തിന്റെ അന്തസ്സുയര്‍ത്തി തന്നെ പിടിച്ചിരിക്കുന്നു..

അദ്ദേഹത്തിന് വേണ്ടി എല്ലാവരും മുട്ടിപ്പായിരുന്ന് പ്രാര്‍ഥിക്കുവിന്‍..



NB:
പണ്ട് ഹോക്കിയിലൂടെ നമ്മള്‍ നമ്മുടെ അന്തസ്സുയര്‍ത്തിപ്പിടിച്ചിരുന്നു..ബട്ട് ഇപ്പോഴെന്തോ ഒന്നും പണ്ടേപോലെ ഫലിക്കുന്നില്ല..
ഫുട്ബള്‍ പിന്നെ ഒട്ടും അന്തസ്സില്ലാത്ത കള്ിയാകയാല്‍ അതിനെ എവോയ്ഡ് ചെയ്യുക..

Tuesday, May 29, 2012

എഫ് ബിക്ക് മുമ്പില്‍ ധ്യാനം ചെയ്ത് മസ്തിഷ്‌കത്തില്‍ ചിതലായീ..




കുറിപ്പ്്
-ഫേസ്ബുക്ക് എന്ന സബ്ജക്റ്റില്‍ നടക്കുന്ന എക്‌സാം ആണിത്..
-ഇതില്‍ പാസാകാത്ത ആര്‍ക്കും ഇനിമേല്‍ ഫേസ്ബുക്ക് യൂസ് ചെയ്യാന്‍ അനു വാദമുണ്ടായിരിക്കുന്നതല്ല..
-ആരും കോപ്പിയടിക്കാന്‍ പാടുള്ളതല്ല..
-സപ്ലിക്കുള്ള അവസരം ഉണ്ടായിരിക്കും(ആജീവനാന്തം)
-ചോദിച്ചതിന് മാത്രം ഉത്തരം എഴുതിയാല്‍ മതി... മാഷ് ചോദിക്കാന്‍ വിട്ടതായിരിക്കും എന്നും കരുതി ആരും ഉത്തരിക്കേണ്ടതില്ല...

വിട്ടഭാഗം പൂരിപ്പിക്കുക

1)ഫേസ്ബുക്ക്് ഒരു ------- ആകുന്നു.

2)വല്ലാത്തൊരു------ ആണ് സക്കന്‍ബര്‍ഗ്.

3)ആരാന്റെ വാളില്‍ ടാഗുന്ന പരിപാടിക്ക് മലയാളത്തില്‍ ------- എന്ന് വിളിക്കും.

4)--------ആകുന്നു ഫേസ്ബുക്ക് കൊണ്ടുണ്ടാകുന്ന പ്രധാന രോഗങ്ങള്‍.

സന്ദര്‍ഭം വിവരിക്കുക

1)'എന്നാലും രമണീ..,ഒരേ സമയം പത്തുപേരുമായി നീയെങ്ങനെ ചാറ്റുന്നു'

2)'ഹൊ.. പണ്ടോക്കെ ഒരു ലൗ ലെറ്റര്‍ കൊടുക്കാന്‍ എന്തോരം കഷ്ടപ്പെടണം.. ഇതിപ്പോ ഫേസ് ബുക്ക് തുറക്ക്വാ.. ഹായ് കൂയ്'

കഥ വിപുലീകരിക്കുക

അവന്‍ ആകാംക്ഷയോടെ ഫേസ്ബുക്ക് തുറന്നു........ഒലക്ക... കോപം സഹിക്കവയ്യാതെ അവന്‍ മൗസിനെ പിടിച്ച് ഞെരുക്കി..
നോക്കണം., എനിക്ക് റാങ്ക് കിട്ടി എന്ന എന്റെ സ്റ്റാറ്റസിന് കിട്ടിയത് രണ്ട് ലൈക്കും നാല് കണ്‍ഗ്രാജുലേഷനും...
ആ ജലജേടെ ഗുഡ്‌മോണിങ്ങിന് കിട്ടിയതോ...555 ലൈക്കും അതിലധികം കമന്റും....സങ്കടമെങ്ങനെ കുന്നോള
മില്ലാതിരിക്കും....കോങ്ങന്‍മാര്‍.....പണിയുണ്ട്......................................................
....................................................................................................
................................................................................


പദ്യം എഴുതുക

ഒത്തൊരുമിച്ചീ ഗ്യാനം മൂളാന്‍ ടോട്ടല്‍ നമ്മക്ക് കൊതിയായീ....
ടോട്ടല്‍ നമ്മക്ക് കൊതിയായീ.....
എഫ് ബ്ിക്ക് മുമ്പില്‍ ധ്യാനം ചെയ്ത്
മസ്തിഷ്‌കത്തില്‍ ചിതലായീ..
മൊത്തം പേര്‍ക്കും പ്രാന്തായീ..
...................
.................................................
................................................

ആശയം വീശദമാക്കുക

-ചാറ്റിംഗിലെ ഹായിക്ക് ( hi ) കാമ്പില്ല
-ടാഗിയവനെ ടാഗരുത്
-ചാറ്റിയത് കൊട്ടിഘോഷിക്കരുത്.

ഊഹിച്ചെഴുതുക

സ്വതന്ത്രസമര കാലത്ത് ഫേസ് ബുക്ക് ഉണ്ടായിരുന്നേല്‍ ഗാന്ധിജി അത്‌കൊണ്ട് എന്തൊക്കെ ചെയ്യുമായിരുന്നു..
ഉപ്പുകുറുക്കല്‍ ., ദണ്ഡിയാത്ര, തുടങ്ങിയവയുടെയൊക്കെ രീതിഭേദങ്ങള്‍..

ഒന്നരപുറത്തില്‍ കവിയാതെ ഉപന്യസിക്കുക

1- ചാറ്റുമ്പോള്‍ ശ്രദ്ധിക്കേണ്ട സുപ്രധാന കാര്യങ്ങള്‍ ഏതൊക്കെ?
2-മുല്ലപ്പെരിയാര്‍ പൊട്ടിക്കുന്നതില്‍, ഐശ്വര്യാറായിയെ പ്രസവിപ്പിക്കുന്നതില്‍, സചിനെ കൊണ്ട് നൂറടിപ്പിക്കുന്നതില്‍ ഫേസ്ബുക്കിനുള്ള പങ്ക്..
3-ഫേസ്ബുക്ക് കുടുംബബന്ധങ്ങള്‍ തകര്‍ക്കുന്നു എന്ന വാദം ശരിയാണോ.. തെളിവുകള്‍ നിരത്തുക.
4-ഫേസ്ബുക്കില്ലാത്ത ജീവിതം ഉപ്പില്ലാത്ത കഞ്ഞിപോലെയാണോ.?

Tuesday, May 22, 2012

ഇതെല്ലാം ഞങ്ങടെ പണിസാധനങ്ങളാണ് രാജാവേ..



വേദിയില്‍ ഉപവിഷ്ടരായ പ്രമുഖ വ്യക്തിത്വങ്ങളേ ചെയറും മറ്റു സൗകര്യങ്ങളുമില്ല എന്നത് കൊണ്ട് ഉപവിഷ്ടരാകാന്‍ പറ്റാതെ പോയ മാന്യമഹാജനങ്ങളേ നിങ്ങള്‍ക്കീ ബുദ്ധിജീവിയും സാംസ്‌കാരിക പ്രവര്‍ത്തകനും കര്‍മകുശലനും സമൂഹത്തിന് വേണ്ടി അഹോരാത്രം തത്രപ്പെടുന്നവനുമായ എന്റെ നമോവാകം..

ഇന്ന് സമൂഹം നേരിടുന്ന പ്രശ്‌നങ്ങളെ പറ്റി ആലോചന ചെയ്തിട്ടുണ്ടോ നിങ്ങള്‍..?
ഫൈറ്റോ പ്ലാസ്മ എന്ന ബാക്റ്റീരിയയെ പറ്റി എത്ര ബഡ്ക്കൂസുകള്‍ക്കറിയാം..
ആ ഒരു സാധനമാണ് തെങ്ങുകളെ ബാധിക്കുന്ന ഒട്ടേറെ ടിഡാള്‍ഫികള്‍ക്ക് കാരണം..
എന്നിട്ടും ഈ ബാക്റ്റീരിയക്ക് പ്രൊട്ടിസ്റ്റോ മോയിസ്റ്റ എന്ന് ശാസ്ത്രീയ നാമകരണം ചെയ്യാനാണ് ഇവിടത്തെ ഭരണകൂടം ശ്രമിച്ച് കൊണ്ടിരിക്കുന്നത്..

ഈ അനീതിക്കെതിരെ് ശക്തമായൊരു പ്രതികരണം എന്ത്‌കൊണ്ടുണ്ടാവുന്നില്ല...
എവിടെപ്പോയി ഇന്നത്തെ തലമുറ..?യുവത്വം?കൗമാരം? ബാല്യം?ശൈശവം?


പോട്ടെ...
മത്തങ്ങയുടെയൊക്കെ അവസ്ഥയെന്താണ്..
അതിലെ ന്യൂട്രോണുകളും പ്രോട്ടോണുകളും കുറഞ്ഞ്‌കൊണ്ടിരിക്കുന്നു..
എന്തിന് ഇലക്ട്രോണുകള്‍ പോലും ...
ഇന്ന് വരുന്ന മത്തങ്ങകളില്‍ നിറയെ വൈറസും ഫങ്കസുമാണ്..ചിലതില്‍ ഇ കൊലയ് എന്ന അതിഭീകരന്‍ വരെയുണ്ട്...
ഇതിനെല്ലാം ആന്റിവൈറസ് തീര്‍ക്കേണ്ടവരാണ് പുതിയ ഫേസ്ബുക്ക് തലമുറ..
അതെങ്ങനെ ..ഇവന്‍മാര്‍ക്ക് ഒരു മത്തങ്ങയെടുത്ത് സന്ധിയും സമാസവും തിരിക്കാനറിയുമോ..

ഒരു മത്തങ്ങയില്‍ എത്രയധികം കുരുകാണും..
ആ കുരുവെല്ലാം മത്തയായി വ്യാപിച്ച്് കേരളത്തില്‍ മൊത്തം മത്ത പൂത്ത്‌നില്‍ക്കുന്ന ഒരു മത്താത്മകലോകമാണ് ഞാന്‍ കിനാവ് കാണുന്നത്..

നേന്ത്രന്‍വാഴയുടെ കാര്യമെടുക്കൂ..
അതിന്റെ വളര്‍ച്ചക്കാവശ്യമായ ഊഷ്മാവ് 14 ഡിഗ്രി് സെല്‍ഷ്യസില്‍ നിന്ന് പതിമൂന്നാക്കണമെന്ന് ഞാന്‍ കേന്ദ്ര ഗവണ്‍മെന്റിനോട് ആവശ്യപ്പെടുകയാണ്..
പാഴ്ഭൂമിയിലെ കല്‍പ്പവൃക്ഷം എന്ന്്ാണ് നമ്മുടെ ഭരണകൂടം കശുമാവിനെ വിശേഷിപ്പിച്ച് കൊണ്ടിരിക്കുന്നത്.. ശരിക്കും കശുമാവിനെ അരികുവല്‍
ക്കരിക്കാനുള്ള നീക്കങ്ങളാണ് അണിയറയില്‍ നടന്ന് കൊണ്ടിരിക്കുന്നത്..
ഇതിനെതിരെ ശക്തമായൊരു ബഹുജന മുന്നേറ്റം അനിവാര്യമാണ..
അത്യുല്‍പാദന വിത്തിനങ്ങളെ പറ്റിയും എനിക്ക് സംസാരിക്കണമെന്നുണ്ടായിരുന്നു.. സമയമില്ലാത്തതിനാല്‍ നിര്‍ത്തുന്നു..
ലാല്‍സലാം....

(രാഷ്ട്രീയ കൊലപാതകങ്ങള്‍ അരങ്ങ്തകര്‍ക്കുന്ന നേരത്ത് പ്രശസ്ത ഇടത് പക്ഷ ബുദ്ധിജീവിയായ ശ്രീ ചാത്തന്‍സാര്‍ നടത്തിയ പ്രസംഗത്തിന്റെ സംഗ്രഹം)

NB:
'ബോംബ്.., വെട്ട്കത്തി ., വടിവാള്‍.........................'

പാര്‍ട്ടിക്കാര്‍-'ഇതെല്ലാം ഞങ്ങടെ പണിസാധനങ്ങളാണ് രാജാവേ'


***
ഒരു ഉറുമ്പിനെ പോലും പടക്കാന്‍ കഴിയാത്തവരെന്തിന് കൊന്നും കൊടുത്തും ജീവിക്കുന്നതെന്ന മോഹന്‍ലാലിന്റെ ബ്ലോഗെഴുത്ത് ഒട്ടേറെ വട്ടം വായിച്ചു..
നന്‍മനിറഞ്ഞ എഴുത്തിന് ഭാവുകങ്ങള്‍ നേരുന്നു..

Tuesday, May 15, 2012

നമ്മള്‍ കൊയ്യും തലയെല്ലാം നമ്മുടേതാകും പൈങ്കിളിയേ..




പ്രിയപ്പെട്ട കൂട്ടുകാരെ., വെക്കേഷന്‍കാലം കഴിഞ്ഞു തുടങ്ങുന്നു അല്ലേ..
ഈ വേളയില്‍ കെട്ടിലും മട്ടിലും ഒട്ടേറെ പുതുമകളുമായാണ് പുതിയ ലക്കം ബാലരമ നിങ്ങളുടെ കൈകളിലെത്തുന്നത്.... കൂട്ടുകാര്‍ക്കായി പുതിയ കുറേ പംക്തികളും തുടങ്ങുന്നുണ്ട്.. എല്ലാവരും വായിച്ച് അഭിപ്രായം പറയണേ...
1-നഴ്‌സറി ഗാനം- കുഞ്ഞോളും അഛനും
('ടീച്ചര്‍മാരുടേയും രക്ഷിതാക്കളുടേയും ശ്രദ്ധക്ക്-വളരെ താളത്തിലാണ് ഈ ഗാനം കുട്ടികള്‍ക്ക് ചൊല്ലിക്കൊടുക്കേണ്ടത..ഇടക്കിടക്ക് തല ലെഫ്റ്റ് റൈറ്റ് ചലിപ്പിക്കുന്നത് ഉചിതമാണ്..ഇടതും വലതുമല്ലാത്ത മറ്റൊരു കേരളമില്ലല്ലോ))
കുഞ്ഞോള്‍

അഛാ അഛാ പൊന്നഛാ
ഡാങ്കെയെന്നാല്‍ എന്തഛാ
ഉണ്ണ്ിയപ്പം പോല്‍ വൃത്തത്തില്‍
ഞണ്ണുന്ന സാധനമോ അഛാ

ഇപ്പം പോകുമെന്നുച്ചത്തില്‍
വീയെസ് തുള്ള്ണതെന്തഛാ
പ്രത്യയശാസ്ത്രം തലക്കടിച്ച്്
ചുമ്മാ പറ്റിക്കയല്ലേഛാ..

നമ്മള്് വെട്ട്ണ തലയെല്ലാം
നമ്മുടേതാകോ പൊന്നഛാ..

അഛന്‍

നെയ്യാറ്റിന്‍ കര കണ്ടത്തില്‍
കൊയ്ത്ത് കഴിയട്ടെ കുഞ്ഞോളെ
ആരുടെ ഹെഡ്ഡെല്ലാം മഡ്ഡാകും
വെയ്റ്റിയിരിക്കാം കുഞ്ഞോളെ

2-നിങ്ങള്‍ക്കും തിരക്കഥയെഴുതാം

(കൂട്ടുകാരെ അല്‍പം ശ്രദ്ധിച്ചാല്‍ നിങ്ങള്‍ക്കും തിരക്കഥയെഴുതാം., സിനിമ പിടിക്കാം..
താഴെ കൊടുത്ത ഉദാഹരണം നോക്കി എഴുതി ശീലിക്കൂ
..)
രംഗം- ഒപി ഒളശ തിരക്കഥ പറയുകയാണ്- ചിത്രം ബോയിംഗ് ബോയിംഗ്്

ഡയറക്ടര്‍ സാര്‍ , കഥയുടെ പേര് ചോപ്പില്‍ വിരിഞ്ഞ പൂക്കള്‍ വാടിയപ്പോള്‍..
ഒരഛന്‍, ഒരമ്മ, രണ്ട് കൊച്ചുകുഞ്ഞുങ്ങള്‍,.. ഒരൊന്നൊന്നര പാര്‍ട്ടി കുടുംബം..സംതൃപ്ത കുടുംബം..രാത്രി പന്ത്രണ്ട് മണി.. നിശ്ചലമായ നിശ.. എങ്ങും കനത്ത നിശബ്ദത.. അതാ ഇരുട്ടില്‍ നിന്നും ഒരാള്‍ പ്രത്യക്ഷപ്പെടുന്നു..ഒരു ബോംബ്.. രണ്ട് ബോംബ്.. മൂന്ന് ബോംബ്..
ഠേ ഠേ ഠേ ഠേ.. നാല് ബോംബ്.........................
...................................................................................................................................
കുലം കുത്തികള്‍ക്ക്് വേണമെങ്കില്‍ ബ്ലഡ് ക്യാന്‍സറോ കിഡ്‌നി ട്രബിളോ ആകാം.. അതിനുള്ള സൈഡ് ട്രാക്ക് ഞാന്‍ കൊടുത്തിട്ടുണ്ട്...ഓകെ..

3-ഈസി ലേണിംഗ്- ഇംഗ്ലിഷ് സുഗമമായി പഠിക്കാം..

അങ്ങാടി സിനിമയില്‍ കുലംകുത്തി എന്ന് വിളിച്ച മുതലാളിയുടെ മകനോടുള്ള നടന്‍ ജയന്റെ പ്രതികരണം ശ്രദ്ധിക്കൂ..

May be we are poor.coolies,trawly pullers,but we are not koolam kuthi(കുലം കുത്തി)..
you enjoy this status in life,because of your sweat and blood. let it be the last time.if you dare to say that word once again , i will pullout your bloody tongue..

4-വഴി കാണിക്കാമോ
ഡാങ്കെയുടെ അടുത്തെത്താനാവാതെ ആകെ കഷ്ടപ്പെട്ടിരിപ്പാണ് സഖാവ് പിണറായി.. കൂട്ടുകാര്‍ക്കൊന്ന് സഹായിക്കാമോ.. വീയെസിന് പുറത്തേക്കുള്ള വഴിയും കാണിച്ച്് കൊടുക്കണേ..

5-ട്രിവിയ
(ചരിത്രത്തില്‍ നടന്ന ചില അപ്രധാന സംഭവങ്ങള്‍ പരിചയപ്പെടുത്തുന്ന പംക്തിയാണിത്)
- 1962 ഇന്ത്യാ ചൈനാ യുദ്ധകാലത്ത് വീയെസ് ജയിലിലായിരുന്നു.. ഇന്ത്യന്‍ സൈനികര്‍ക്ക് രക്തം നല്‍കാന്‍ സംഘടിത നീക്കം നടത്തി അദ്ദേഹം..
എന്നാല്‍ പാര്‍ട്ടി ഈ നീക്കം തടഞ്ഞു..- ചൈനയുടെ പക്ഷത്തായിരുന്നു അന്ന് പാര്‍ട്ടി- ഈ സംഭവത്തെ തുടര്‍ന്ന് പാര്‍ട്ടിയില്‍ അങ്ങേരെ തരംതാഴ്ത്തുകയും ചെയ്തു.. ഒതുക്കലും മറ്റും വീയെസിന് പുത്തരിയല്ല എന്ന് കൂട്ടുകാര്‍ക്ക് മനസ്സിലായില്ലേ..

6-സര്‍പ്രൈസ് സോംഗ്

ഡാങ്കെ പറഞ്ഞതും സ്റ്റാലിന്‍ പറഞ്ഞതും വീയെസ് പറഞ്ഞതും പൊള്ളാണേ.. വീയെസ് പറഞ്ഞതും പൊള്ളാണേ...


- ഈ പാട്ടില്‍ രണ്ട് സര്‍പ്രൈസ് ആണുള്ളത്
1-എന്താണവര്‍ പറഞ്ഞത്
2- എന്ത്‌കൊണ്ട്ാണവര്‍ പറഞ്ഞത് പൊള്ളാണെന്ന് പറഞ്ഞത്...

Tuesday, May 8, 2012

താങ്ക്‌സ് പ്രിയരേ താങ്ക്‌സ് ഈ ബഡ്ക്കൂസിന്റെ ഗമണ്ടന്‍ താങ്ക്‌സ്‌



വര്‍ഷങ്ങള്‍ക്ക് മുമ്പുള്ള ഒരു രാത്രി നേരം..
ഒര് എട്ടരയായിക്കാണും..
ഞാനന്നൊരു കുഞ്ഞ് കൂഷ്മാണ്ടമായിരുന്നു...

ഉപ്പ പള്ളിയില്‍ നിന്നും മന്ദംമന്ദം കടന്ന് വന്നു..
കയ്യില്‍ മലര്‍വാടി ബാലമാസികയും ഉണ്ട്..

ഒര് രക്ഷാകര്‍ത്താവിന്റെ സവര്‍ണഫാഷിസ്റ്റ് മൂലശിലയില്‍ ഉരുവം കൊണ്ട ആഢ്യ മനോഭാവത്തോടെ ഉപ്പ എന്നെ വിളിച്ചു..
ഡാ ബട്ക്കൂസേ.. ഇങ്ങട് വന്നേ...
ഞാന്‍ ചെന്നു.. വാട്ട് ഹാപ്പന്‍ഡ് യാര്‍...

ദിങ്ങട് നോക്ക്യേ.. -ഉപ്പ മലര്‍വാടി മറിച്ചു...

എന്റെ റബ്ബുല്‍ ആലമീനായ തമ്പുരാനേ ഞാനെഴുതിയ കഥ.. ഞാന്‍ മാത്രമെഴുതിയ കഥ...
അച്ചടിയുടെ ആ സുവര്‍ണരേഖകള്‍ എന്നെ വിജൃംഭിപ്പിച്ചു...ഹര്‍ഷപുളകിതനാക്കി...
എന്റെ ഉമ്മയും ബ്ലഡി സിസ്റ്റേഴ്‌സും ഓടി വന്നു...
അഭിമാനതാരകമായ ഈ സഹോദരനെ നോക്കി, സല്‍സന്താനത്തെ നോക്കി അവരങ്ങനെ നിര്‍ന്നിമേഷരായി നിന്ന് പോയി...

ഞാനപ്പോള്‍ എന്ത് ചെയ്യുകയായിരുന്നു...
നില്‍ക്കുകയായിരുന്നോ - അല്ല
ഇരിക്കുകയായിരുന്നോ - അല്ല
പിന്നെ...
ആകാശാഴങ്ങളിലൂടെ .., അതിലെ മേഘസൗന്ദര്യങ്ങളിലൂടെ..
അങ്ങനെ ഒഴുകിയൊഴുകി.....

ഉറക്കം കണ്ണില്‍ നിന്നൊഴിഞ്ഞ് നിന്ന ആരാത്രി ഇന്നും മനസ്സിലുണ്ട്..
മലര്‍വാടി നെഞ്ചത്തണച്ച് പിടിച്ച് ഒട്ടേറെ കിനാവ് കണ്ട ആ രാത്രി...

NB:
ഹങ്ങനെ കൂലങ്കഷം എന്ന പംക്തി ദേ യാത്ര തുടങ്ങി..
താങ്ക്‌സ് പറയേണ്ടവരുടെ നിര അല്‍പ്പം വലുപ്പം കൂടിയതാണ്..

ഒ അബ്ദുറഹ്മാന്‍, പികെ പാറക്കടവ്, ഇഖ്ബാല്‍ ചേന്നര
എന്റെ ഓണ്‍ലൈന്‍ ലൈക്കേര്‍സ്,
ബ്ലോഗ് കമന്റേഴ്‌സ്..
പാതിരാത്രി പോലും പകലാക്കി കാര്‍ട്ടൂണ്‍ വരച്ച യാസിര്‍പാടൂര്‍
മലയാളം ബ്ലോഗേഴ്‌സ് ഗ്രൂപ്പ്
കോഴിക്കോട് ബീച്ചിലേയും മാനാഞ്ചിറ സ്‌ക്വയറിലേയും ഞങ്ങളുടെ ചര്‍ച്ചാവട്ടങ്ങളില്‍ സ്ഥിരം സാന്നിധ്യമായ സബീര്‍ അഹ്മദ്..
ഷമീംക്ക, മന്‍സൂര്‍ക്ക,ബന്ന,ജലീല്‍ക്ക,അന്‍ഷാദ്ക്ക,ബഷീര്‍ ടിപി..
യാസിറിന് കോഴിക്കോട് അഭയം നല്‍കിയ വിദ്യാര്‍ഥി ഭവനം.. അതിന്റെ നടത്തിപ്പുകാരായ എസ് ഐ ഒ പ്രവര്‍ത്തകര്‍..

അങ്ങനെയങ്ങനെ....

താങ്ക്‌സ് പ്രിയരേ താങ്ക്‌സ് ഈ ബഡ്ക്കൂസിന്റെ ഗമണ്ടന്‍ താങ്ക്‌സ്‌

Tuesday, May 1, 2012

സിന്ധുലേഖ ഹെയറോയില്‍ വന്നേപിന്നെ കാര്യങ്ങള്‍ ആകെപ്പാടെ മാറുകയാണ്‌




ഹെന്റെ പ്രിയപ്പെട്ട റീഡേഴ്‌സുകളേ നിങ്ങളോടുള്ള മൊഹബ്ബത്തോണ്ട് പറയ്യ്വാ..
ജീവിതത്തെ നിങ്ങള്‍ സഗൗരവത്തിലെടുക്കണം..
ഒന്നുകൂടി കെയര്‍ഫുള്ളാവണം..

അറിഞ്ഞില്ലേ..
സിന്ധുലേഖ ഹെയര്‍ഓയില്‍ വന്നേപിന്നെ കാര്യങ്ങള്‍ ആകെപ്പാടെ മാറുകയാണ്..

മുടി എന്നൊക്കെ പറഞ്ഞാല്‍ ഹത് സ്ത്രീകളുടെ മാത്രം സ്വത്താണെന്ന്..
(കാന്തപുരം ഉസ്താദ് കേള്‍ക്കണ്ട)
അത് നീട്ടി വളര്‍ത്തിത്തന്നെ കാര്യങ്ങളെ നേരിടാനാണ് പെണ്ണൂസുകളുടെ തീരുമാനം..
ചിലവന്‍മാര്‍ക്ക് ഈ മുടി കണ്ടാല്‍ ചുവപ്പ്കണ്ട കാളയെപ്പോലെയാണത്രെ ...
വല്ലാത്തൊരു ഇളക്കമാണ് പോലും..

ലതുകളുടെ ഇളക്കം കൂട്ടാന്‍ തന്ന്യാ പെണ്‍ബുജികള്‍ തീരുമാനിച്ചിരിക്കുന്നത്..

അഞ്ചാറ് മീറ്റര്‍ നീളമുള്ള മുടിയും വെച്ചായിരിക്കും ഇനി പെണ്ണുങ്ങളുടെ സഞ്ചാരപ്പോരാട്ടങ്ങള്‍..

ബസ്സിലും ട്രെയിനിലുമൊക്കെ സ്വസ്ഥതയോടെ യാത്രിക്കാം എന്നിനി ആണൂസുകള്‍ കിനാവ് കാണണ്ട..
ഇളങ്കാറ്റുകള്‍ ആഞ്ഞുവീശുംനേരം ഒരൊന്നൊന്നര സിന്ധുലേഖ മുടി ചാഞ്ചാടിയാടി ഇങ്ങ് പാറി വരും ..

മുടി മൂക്കില്‍ കയറി തുമ്മാന്‍ മുട്ടിയാലും ശബ്ദിച്ചേക്കരുത്..
തിരിച്ചൊരക്ഷരം പറഞ്ഞേക്കരുത്..

ലതുകള്‍ സിന്ധുലേഖ തലയില്‍ പുരട്ടുക മാത്രമല്ല .,
തേനില്‍ കലര്‍ത്തി അവ മൂന്ന്‌നേരം വെട്ടിവിഴുങ്ങുന്നുമുണ്ട്..
അപ്പൊ കോണ്‍ഫിഡന്‍സ് കിട്ടും..
ആണുങ്ങളുടെ കൈക്ക് പിടിക്കാനുള്ള ഉള്‍ക്കരുത്ത് കിട്ടും..
ആണുങ്ങളെ ഇടിച്ചങ്ങ് പൊടിച്ച് പപ്പടപരുവമാക്കും...

പൊട്ടിപ്പാളീസായ പപ്പടം കാണാന്‍ ഒരു ഗ്ലാമറും ഉണ്ടാവില്ലന്നേ..

ഞാനിനി ബസ്സാദി ട്രെയിനാദി യാത്രകളൊക്കെയും എവോയ്ഡ് ചെയ്യുകയാ..
ലതുകള്‍ക്കെങ്ങാനും കലിപ്പ്‌കേറി ഇടിക്കാന്‍ തോന്നിയാല്‍ ..ന്റെ ശിബനേ

ന്റുമ്മാക്കും ന്റുപ്പാക്കും കൂടി ആകെയുള്ള ആണ്‍തരിയാണേ ഞാന്‍
(നഞ്ഞെന്തിനാ നാനാഴി എന്ന് വീട്ടുകാര്‍.,
ഒന്നൊള്ളൂവെങ്കില്‍ ഉലക്കകൊണ്ട് പെടക്കണമെന്ന് നാട്ടുകാര്‍)

അപ്പൊ.. സൂക്ഷിച്ചാല്‍ ദു:ഖിക്കേണ്ട.. അത്രന്നെ..

അഡൈ്വസ്:ഡിയറായ ഗേള്‍സ് ആന്റ് വിമന്‍സ് ., ഇമ്മാതിരി പരസ്യോം കണ്ട് ഒന്നിനും ചാടിപ്പുറപ്പെടല്ലേ കെട്ടോ..
ചുമ്മാ ധൈര്യം തന്ന് ആളെ കൊല്ലാന്‍ നോക്കുവാന്നേ..

NB:
കഴിഞ്ഞ വാരാദ്യമാധ്യമത്തില്‍ സ്ത്രീധനപീഢനത്തിരയായി മരണപ്പെട്ട സഫരിയ എന്ന പെണ്‍കുട്ടിയുടെ കഥ വായിച്ച് ഉള്ള് പിടഞ്ഞു..എന്തേ ഇതിനെതിരെ ഒറ്റ ഫെമിനിസ്റ്റുകളും രംഗത്ത് വന്നില്ല..
ഈ പെണ്‍കുട്ടിയെ അടിച്ചതും പീഡിപ്പിച്ചതും കോണിപ്പടിയിലുടെ വലിച്ചിഴച്ചതുമെല്ലാം അമ്മായിത്തള്ളയും നാത്തൂന്‍മാരുമെല്ലാം ചേര്‍ന്നായിരുന്നു.. വേട്ടക്കാര്‍
പെണ്ണുങ്ങളാകുമ്പോള്‍ ഫെമിനിസ്റ്റുകളുടെ നാവൊടിഞ്ഞ് പോവുക സ്വാഭാവികമല്ലേ..

Monday, April 23, 2012

ഇത്തിരി കണ്ണീരും കിനാവും സമം ചേര്‍ത്തൊരു നോവല്‍



വേലി വരച്ചേ ഒക്കൂ നമുക്ക് ..
എഴുത്തിനേയും വായനയേയും വരെ
അതിര് കെട്ടാതെ വിടാന്‍ ഭാവമില്ല..
കഥ,ചെറുകഥ,നോവല്‍,നോവലെറ്റ്,ആണെഴുത്ത് ,പെണ്ണെഴുത്ത്,.......

ഭിത്തി കെട്ടിക്കെട്ടി നമുക്ക് പരസ്പരം വായിക്കാന്‍ വയ്യാതായിരിക്കുന്നു..


"എഴുത്ത് രണ്ട് വിധമേയുള്ളൂ.. നല്ലതും തിയ്യതും.."
ഓര്‍മ്മ വരുന്നത് പ്രിയ എഴുത്തുകാരി കമലാ സുരയ്യയുടെ വരികള്‍..

ഇതെന്റെ കവിതയാണ്.. ഇതിലെന്റെ കഥയും.
എന്ന് പറയുംവിധം കഥകവിതകള്‍ക്കിടയിലുള്ള
ബര്‍ലിന്‍ വേലികള്‍ വരെ തകര്‍ച്ച് കൊള്ളുന്നു ഈ പുതിയ എഴുത്ത്കാലങ്ങളില്‍...

'മതിലുകള്‍ ഇല്ലാതായിത്തീരുകയാണ്...
ആര്‍ക്കും ആരുമായിത്തീരാം.. ആര്‍ ആരാണെന്ന്് ചോദിക്കരുത്..
എല്ലാവരും എല്ലാവരുമാണ്'-(അപഹരിക്കപ്പെട്ട ദൈവങ്ങള്‍- ആനന്ദ്)

ഇപ്പോള്‍ മോഡേണില്ല്.. പോസ്റ്റ് മോഡേണും..
ഉള്ളത് പുതിയപുതിയ ഉള്‍ഭവങ്ങളാണ്..
കഥയേക്കാള്‍ കഥയുള്ള കവിതകള്‍..
കവിതയേക്കാള്‍ കവിത്വമുള്ള കഥകള്‍..
രണ്ടും ഇഴുക്കം ചേര്‍ന്ന നോവലുകള്‍..

ഓരോ കലാസൃഷ്ടിയും ഓരോരോ പ്രവണതകളെ വെളിച്ചം കാണിക്കുന്നുണ്ട്..

പികെ പാറക്കടവിന്റെ ആദ്യ നോവല്‍ മീസാന്‍ കല്ലുകളുടെ കാവല്‍ പ്രസക്തമാവുന്നത്
സാമ്പ്രദായിക എഴുത്ത്ശീലങ്ങളില്‍ നിന്നുള്ള
ചലന വ്യതിയാനത്തെ പ്രകാശനം ചെയ്യുന്നു അത് എന്നത് കൊണ്ടാണ്..

"ജീവിതം പിഴിഞ്ഞ് സത്തുണ്ടാക്കി
ഇത്തിരി കണ്ണീരും കിനാവും ചേര്‍ത്ത് തപസ്സുചെയ്യുമ്പോള്‍
ഒരു കലാസൃഷ്ടിയുണ്ടാകുന്നു..
കവിതയാണോ..
കഥയാണോ ..
നോവലാണോ..
ദൈവമേ എനിക്കറിയില്ലല്ലോ.".- പി കെ

"ഭൂതകാലം കുഴിച്ചെടുത്താല്‍ നിറയെ കഥകളാണ്.."
ഷഹന്‍സാദയുടെ കൈകള്‍ ചേര്‍ത്ത് പിടിച്ച് സുല്‍ത്താന്‍ മൊഴിഞ്ഞു..
"നമ്മുടെ രണ്ടാളുകളുടേയും പേരുകള്‍ നമ്മുടെ ഉമ്മ ബാപ്പമാര്‍ ഭൂതകാലം കുഴിച്ച് കുഴിച്ച് കണ്ടെടുത്തതാണ്."..

കഴിഞ്ഞകാലങ്ങളെ കുഴികുത്തിയെടുത്താണ് കഥയുടെ,കവിതയുടെ, നോവലിന്റെ വഴിപ്പോക്കുകള്‍..

ഇടവഴിയുടെ ഒരു മൂലയില്‍ നിന്ന് വെള്ളിലകള്‍ നുള്ളിയെടുത്ത് സുല്‍ത്താന്‍ പറഞ്ഞു...
"ഒരാളുടെ കുട്ടിക്കാലമാണ് അവന്‍..കുട്ടിക്കാലത്തെ കഥകള്‍ ഖബ്‌റോളം യാത്രചെയ്യും "

ഇങ്ങനെ , ബാല്യവും കൗമാരവും യൗവ്വനവും കടന്ന് ഒടുക്കജീവിതത്തിന്റെ അടയാളക്കുറിയായ മീസാന്‍ കല്ലുകള്‍ വരെ നീളുന്ന നോവല്‍ നടത്തങ്ങള്‍..

തീക്ഷണാശയവാഹിയായ കഥകളിലൂടെ നമുക്ക് പരിചയമുണ്ട്
പികെ പാറക്കടവ് എന്ന എഴുത്ത്കാരനെ .
ഈ നോവലിലൂടെയും അദ്ദേഹം നമ്മില്‍ നിര്‍മാണം ചെയ്യുന്നത്
അതിശയങ്ങളുടെ ആകാശാഴങ്ങളെയാണ്..

note;ഡി സി ബുക്‌സ് ആണ് പ്രസാധകര്‍..


NB:
ഈ ബുധനാഴ്ച ജാഡലോടകം ബ്ലോഗിന് അവധിയായതിനാലാണ്് ചൊവ്വാഴ്ച തന്നെ പോസ്‌റ്റേണ്ടി വന്നത്.. കമാല്‍ ഹസ്സന്‍ ., ഷാറൂഖ്ഖാന്‍ പ്രശ്‌നം ഒത്ത് തീര്‍ക്കാന്‍ ന്യൂയോര്‍ക്ക് വരെ ഒന്ന് പോകേണ്ടിയിരുന്നു..

റീഡേഴ്‌സിന് ബുധന്‍ അവധി ദിവസമല്ല...










Tuesday, April 17, 2012

ഡിയറായ മുഖ്യമന്തിരി അറിയാന്‍ ഞങ്ങള്‍ ഫെമിനിസ്റ്റ് കുണ്ടാമണ്ടീസുകള്‍ എഴുതുന്നത്




ഡിയറായ മുഖ്യമന്തിരി അറിയാന്‍ ഞങ്ങള്‍ ഫെമിനിസ്റ്റ് കുണ്ടാമണ്ടീസുകള്‍ എഴുതുന്നത്..
നിവേദനങ്ങളോട് നിങ്ങള്‍ക്ക് എപ്പിഡപ്പിയാണെന്ന് അറിയാഞ്ഞിട്ടല്ല..

ബട്ട് ഹെന്താ ചെയ്യ്വാ..
സത്രീ വിമോചനം സാധ്യമാകും വരെ ഒരു തുള്ളി സര്‍ബത്തും വെള്ളം കൈ കൊണ്ട് കുടിക്കുകേലെന്ന് പ്രതിജ്ഞ ചെയ്ത സ്ത്രീശാക്തീകരണ തൊഴിലാളികളായിപ്പോയി ഞങ്ങള്‍..
ഞങ്ങടെ ഒരേയൊരു കാര്യപരിപാടി ഈ നിവേദനമെഴുത്തായിപ്പോയി..

ഹതോണ്ട് ലിസണ്‍ പ്ലീസ് .. കെയര്‍ഫുള്ളീ... ഓകെ

(അഞ്ചാം മന്ത്രി പ്രോബഌ പോലെ വലിച്ച് നീട്ടി നീട്ടി അലമ്പാക്കി സാമുദായിക ബാലന്‍സ് തെറ്റിച്ച് ദിവിടെ ഭൂകുലുക്കം തീര്‍ക്കില്ലെന്ന് ഹോപ്പുന്നു)

അപ്പോള്‍ കം റ്റു ദ പോയന്റ്..

ദിവിടെ ആകെ ആണ്‍മേല്‍ക്കോയ്മയാണ്..ലതുകളുടെ താണ്ഡവമാണെങ്ങും,..
പാവം പെണ്ണുങ്ങള്‍.., പീഡനപര്‍വ്വങ്ങള്‍ താണ്ടി താണ്ടി ആകെ എടങ്ങേറിന്റെ കല്‍ക്കണ്ടങ്ങള്‍ നുണയുകയാണ്...

ഹെവിടെ സ്വാതന്ത്രം..?
(കുറച്ച് നേരത്തെ ഹിവിടെ ഉണ്ടായിരുന്നതായിരുന്നല്ലോ.. എവിടെ പോയോ എന്തോ..കണ്ട് കിട്ടുമ്പോള്‍ കുറച്ച് പെണ്ണുങ്ങള്‍ അന്യേഷിച്ചാരുന്നു ന്ന് പറയാട്ടാ)

പുരുഷകാട്ടാളരുടെ പരുഷഹസ്തങ്ങളില്‍ കുരുങ്ങി ജീവിതം തരിപ്പണമായിപ്പോയ ദെത്രയെത്ര സ്ത്രീ ശിരോമണികള്‍..

ഹേ.. മിനിസ്റ്റര്‍.. വേറീസ് സ്വാതന്ത്രം..?

പാതിരാത്രികളില്‍ ലവള്‍ക്ക് പുറത്തിറങ്ങി നടക്കാന്‍ കഴിയുന്നില്ല..
ഓടാനോ ചാടാനോ പറ്റുന്നില്ല..
ഹെന്തിന് നിലാവിന്റെ കൊമ്പില്‍ ഒന്ന് ഊഞ്ഞാലാടാന്‍ പോലും...

പാതിരാത്രികളില്‍ കുറുക്കനൊപ്പം ഓരിയിടാനുള്ള ഞങ്ങളുടെ സ്വാതന്ത്രത്തെ വിലക്കുന്ന ആഢ്യത്വത്തിന്റെ ആണാധിപത്യത്തെ കുട്ടൂസന്റെ കുപ്പിയിലാക്കാന്‍ ബഹു മുഖ്യന്‍ തയ്യ്വാറാകണം...

നോക്കൂ.. ദിവിടെ ഇപ്പോഴും സമത്വമില്ല..സോഷ്യലിസമാണത്രെ ഫാവി..
അപ്പോള്‍ വര്‍ത്തമാനമോ...
ഫാവി ഫാവി എന്ന് കുറേ കാലമായി കേള്‍ക്കുന്നു...
മാര്‍ക്‌സച്ചായന്റെ കാലം തൊട്ടേ കേള്‍ക്കാന്‍ തുടങ്ങീതാ. ഒര്മാതിരി കോപ്പിലെ ഫാവി...
ഇനിയും ഫാവാന്‍ ഞങ്ങളെ കിട്ടില്ല..

അല്ല, ഇനിയും എനിയും എന്തിനാണ് ഡിയറായ മന്ത്രി സമത്വത്തിന് കാലവിളംബം..
ഐശ്വര്യറായി പ്രസവിച്ചു., സച്ചിന്‍ നൂറ് സെഞ്ചറിച്ചു..അഞ്ചാം മന്ത്രി കാറും സ്റ്റാഫും ഒപ്പിച്ചു..(വകുപ്പെന്തേലും ഒപ്പിച്ചോ എന്തോ.. അല്ലേലും അതിലൊക്കെ എന്തൂട്ട് കാര്യം ല്ലേ..)

ഇനിയും എന്തിന് വെയ്റ്റണം മിസ്റ്റര്‍...

വെയ്റ്റില്ല വെയ്റ്റില്ല വെയ്റ്റാന്‍ ഞങ്ങള്‍ക്കൊക്കില്ല..

-----------------
ഫെമിനിസ്റ്റ് ശോശാമ്മ , ആയ്ശുമ്മ, തങ്കമ്മ
(മൂന്ന് മതത്തീന്നും ഓരോന്നിനെ ചേര്‍ത്തിട്ടുണ്ട്.. ഇനി സന്തുലനത്തിന്റെ പേരില്‍ വഴക്കിനും വക്കാണത്തിനും നില്‍ക്കരുത് പ്ലീസ്)

NB:
'സ്വാതന്ത്രം വേണം.. ന്ന് ച്ചിട്ട് അധികാവരുത്..പണ്ട് ഞങ്ങള് മൊലക്കച്ചയിടാന്‍ വെമ്പല് കൂട്ടി .. ഇന്നത് വേണ്ടാത്രെ .. ഇതിലേതാ സ്വാതന്ത്രം ന്ന് ആര്‍ക്കറിയാം..'- ശ്രീദേവി അന്തര്‍ജനം(വിടി ഭട്ടത്തിരിപ്പാടിന്റെ ഭാര്യ)
-ആഞ്ഞു കൊത്തുന്ന അനുഭവങ്ങള്‍-- കമല്‍ റാം സജീവ്‌




Tuesday, April 10, 2012

ന്നാലും മുപ്പതര വെള്ളിക്കാശിന് എന്നെ ഒറ്റിയല്ലോടാ തെണ്ടികളേ



ദൈവ്വേ ., ഈ ബഡ്ക്കൂസ് ഇതെവിടെ പോയിക്കെടക്കണ്..
ബ്ലഡി മൊശകൊടന്‍...

ദിവനേം വിശ്വസിച്ചാ ഞാന്‍ പരിപാടി ഏറ്റത്..

ചെറിയൊരു പ്രോഗ്രാം നടക്കുന്നുണ്ട്.., അതില്‍ ഞങ്ങളൊരു വല്യ ഗമണ്ടന്‍ കലാ(പ) പരിപാടി ചെയ്യാം എന്നൊക്കെ പറഞ്ഞിട്ടിപ്പോള്‍...

ലത്കളോടിനി ഹെന്ത് സമാധാനം പറയും...

റിഹേഴ്‌സവല്‍ നടക്കേണ്ട നേരമായിട്ടും കൂഷ്മാണ്ടത്തെ കാണുന്നില്ല..
ട്രിണാംകുളത്ത് നിന്ന് കാലിക്കറ്റിലെത്താന്‍ ഇത്ര നേരമോ...

-നിങ്ങളിപ്പോള്‍ ആകാംക്ഷയുടെ മുള്‍മുനയിലല്ലേ..
ഞാനാരെയാ ദിങ്ങനെ വെയ്റ്റുന്നതെന്ന ഉത്കണ്ഠയുടെ മുള്ളാണി മുനയില്‍...

എന്നാല്‍ കേട്ടോളൂ.. ബന്ന എന്ന് പറയുന്ന ഒരു തോന്ന്യാസി എനിക്ക് കൂട്ടുകാരനായിട്ടുണ്ട്...

അവനെപറ്റി പറയാന്‍ ഒട്ടേറെയുണ്ട്..
(പാര്‍ട്ടി കോണ്‍ഗ്രസ് നടക്കും നേരത്ത്..,
കോഴിക്കോട് ടൗണാകെ ബ്ലോക്കായി ഹലാക്കായ നേരത്ത്
റെയില്‍വേ സ്‌റ്റേഷനില്‍ വേഗമെത്താന്‍ ഓട്ടോ വിളിച്ചവനാ കക്ഷി..
നടന്നാല്‍ അഞ്ച് മിനുറ്റ്‌കൊണ്ട് എത്താവുന്നതേയുള്ളൂ..
ഓട്ടോയില്‍ ലെവനിരുന്നത്25 മിനുറ്റ്...
ട്രെയിനിനറിയുകേലല്ലോ ബന്ന വരാനുണ്ടെന്ന്... ദത് ദതിന്റെ സമയത്തിന് കൃത്യം പോയി)

- ടാ ഞാന്‍ വൈകും കെട്ടോ.. ഒരു പ്രത്യേക അവസ്ഥാകാലുഷ്യത്തില്‍ ഹെനിക്ക് ട്രെയിനിന്റെ ചെയിനൊന്ന് ചുമ്മാ വലിക്കേണ്ടി വന്നു...
അപ്പോ നില്‍ക്കുക എന്നത് ട്രെയിനിന്റെ ബാധ്യതയാണല്ലോ...
ഹത് ഹതിന്റെ കടമ നിറവേറ്റി..

ഇപ്പൊ ടിടിആറും സ്റ്റേഷന്‍ മാസ്റ്ററും എല്ലാം ചേര്‍ന്ന് അവരുടെ കടമ നിറവേറ്റുന്നു...
എടങ്ങേറിന്റെ അവിലും കഞ്ഞി കുടിച്ചു കൊണ്ടിരിക്കുകയാടാ ഞാനിപ്പൊ..
ഫൈനാണത്രെ ഫൈന്‍...- ബന്നയുടെ ഫോണ്‍ കാള്‍

-സംഭവിച്ചത് ഇതാണ്..
ബന്നയുടെ അടുത്തിരിക്കുന്ന ഒരാള്‍ക്ക് ഫിക്‌സ് വന്ന് ആകെ വിറയെടുത്തു..
അവസ്ഥ കൂടുതല്‍ മോശമാവുന്നത് കണ്ടപ്പോള്‍ ആരോ പറഞ്ഞു ചെയിന്‍ വലിക്കാന്‍...
ദത് കേട്ടതും ബന്ന ചെയിനിലേക്കങ്ങ് ചാടിവീണു...ലെവന്റെ വെയ്റ്റ്ുണ്ടോ ദതിന് താങ്ങാനൊക്കുന്നു..
ട്രെയിന്‍ നിന്നു...

ടിടി ആര്‍ ഓടി വന്നു... ഏത് പണ്ടാറക്കാലനാടാ ചെയിന്‍ വലിച്ചത്..

സഹയാത്രികര്‍ മുപ്പതര വെള്ളിക്കാശിന് ബന്നയെ ഒറ്റിക്കൊടുത്തു..
ദേ ഈ കാലമാടനാ.....

ദൈവ്വേ കുടുങ്ങ്യോ... ബട്ട് ബന്ന വിട്ടു കൊടുത്തില്ല..
മനുഷ്യത്വം, ദയ, കാരുണ്യം,സ്‌നേഹം തുടങ്ങി പ്രസംഗത്തില്‍ മാത്രം കേട്ട് പരിചയമുള്ള കുറേ മുല്യലതാദികളെ പറ്റിയങ്ങ് പ്രഭാഷിച്ചു..

മതമേലധ്യക്ഷന്‍മാര്‍ വരെ നമോവാകം പറയും ദിത് കേട്ടാല്‍..
ഹതിന്റെ മാസ്മരികതയില്‍ ചിലര്‍ ആശുപത്രിയിലേക്കോടി...
ആംബുലന്‍സ് വിളിച്ചു.. കാര്യങ്ങളൊക്കെ അങ്ങ് ഓകെയായി...

ചുരുക്കി പറഞ്ഞാല്‍ ഞങ്ങടെ കലാപരിപാടി അന്ന് നടന്നില്ല...

NB:
pwd എഞ്ചിനീയര്‍ ആയിരുന്നു ആ അസുഖം വന്നയാള്‍.. അദ്ദേഹത്തിന്റെ കോ വര്‍ക്കേര്‍സ് ഒക്കെ ആ കമ്പാര്‍ട്ട്‌മെന്റെില്‍ ഉണ്ടായിരുന്നത്രെ ., ബട്ട് ഒരാളും തിരിഞ്ഞ് നോക്കിയില്ല..

*പരസഹായ തല്‍പരതയില്‍ ഒരു പണത്തൂക്കം മുന്നിലാണെന്നും ബന്ന..
മറ്റുള്ളവരെയൊക്കെ എങ്ങനെ സഹായിക്കാം എന്ന കോഴ്‌സ് അവനില്‍ നിന്നും പഠിച്ച് കൊണ്ടിരിക്കുകയാണ് ഞാനിപ്പോള്‍...
പഠിച്ചു കഴിയട്ടെ .. എന്നിട്ട് വേണം എല്ലാരേം ഒന്ന് ഗമണ്ടനായി സഹായിക്കാന്‍...

Tuesday, April 3, 2012

വധുവിനെ ആവശ്യമുണ്ട് ഒത്തവണ്ണം,നിറം,ചുറ്റളവ്,വിസ്തീര്‍ണ്ണം


വൈവാഹിക പംക്തിയിലേക്ക് സകല കൂഷ്മാണ്ടങ്ങള്‍ക്കും സ്വാഗതം..
പെണ്‍കുട്ടികളോ ,ലത്കളുടെ പേരന്റ്‌സോ, ബ്ലഡി ബ്രദ്‌ഴ്‌സ് ആന്റ് സിസ്റ്റേഴ്‌സോ വായിക്കാനാണ് ദീ പോസ്റ്റ്..

കെട്ടിക്കുടുങ്ങിയ ദമ്പതുകള്‍ക്ക് വായിക്കാനുള്ള പംക്തിയല്ല ദിതെന്ന് ആദ്യമേ ലാസ്റ്റ് വാണിംഗ് തരികയാണ്..

ആകെ ആറ്റിക്കുറുക്കി സംഗ്രഹിച്ച് ഷോര്‍ട്ടാക്കി പറഞ്ഞാല്‍
ഒരു വധുവിനെ ആവശ്യമുണ്ട്
(ദിത് പറയാനെന്തിനാ നാണിക്കണേ..)

വധു എന്ന് പറയപ്പെടുന്ന ബഡ്ക്കൂസിന് ഉണ്ടായിക്കേണ്ട മിനിമം ക്വാളിഫിക്കേഷന്‍സ് താഴെ പറയുന്നതാണ്...

--ലെവളൊരു പെണ്ണായിരിക്കണം..എന്ന കാര്യം ആദ്യമേ ഓര്‍മപ്പെടുത്തുകയാണ്--
(ന്ന് വെച്ചാല്‍ ഫെമിനിസ്റ്റ് ആകരുതെന്ന്... തിരിഞ്ഞോ)

1-ഒത്ത വണ്ണം
(ഈ ഒത്തവണ്ണം ന്ന് വെച്ചാല്‍ ആര്‍ക്ക് ഒത്തവണ്ണമെന്നാ.. ലാലേട്ടനോ അതോ ഇന്ദ്രന്‍സിനോ)

2-ഒത്ത നിറം
(മമ്മൂട്ടിക്ക് ഒത്തനിറമൊ.സലീംകുമാറിന് ഒത്ത നിറമോ)

3-ഒത്ത ചുറ്റളവ് വിസ്തീര്‍ണ്ണം
4-ഒത്ത ആരവും വ്യാസവും
(ഒത്ത് പിടിച്ചാല്‍ മലയും പോരും എന്നല്ലേ.. ഹതോണ്ടാ ഒത്തത് തന്നെ വേണം ന്ന് ത്ര വാശി)

5-അഞ്ചടി രണ്ടിഞ്ച്...
(അതോ അഞ്ചരടിയോ.. ആ ഹെന്തായാലും അടി ഒറപ്പാ)

6-സുമുഖി,സുശീല,സുന്ദരി,സുഷുപ്തി,സുഗ്രാഹിണി,സുമതി..
(ദിതൊക്കെ ആയിരിക്കണം)


മിശ്ര വിവാഹമാണ് ഉദ്ദേശിക്കുന്നത്., ഹതോണ്ട് മതം പ്രശ്‌നമല്ല..
-മതമല്ല., മതമല്ല., മതമല്ല പ്രശ്‌നം..
എരിയുന്ന പൊരിയുന്ന വയറാണ് പ്രശ്‌നം..
(കമ്യൂണിസ്റ്റ് നായരായത് കൊണ്ട് കമ്യൂണിസ്റ്റ് നായരികള്‍ക്ക് മുന്‍ഗണന)

ഹല്ല.. മിശ്രവിവാഹം നടക്കണേലും രണ്ടും രണ്ട് ജാതിയിലായിരിക്കണ്ടേ..
അപ്പോഴും ജാതിയാണ് താരം..നിരീക്ഷര വിശ്വാസികളേ നിങ്ങള് തോറ്റു...

അപ്പോള്‍ മൈ ഫോണ്‍ നമ്പറീസ് ഡബിള്‍ റ്റു ഡബിള്‍ ഫോര്‍..

NB:
മാട്രിമോണിയല്‍ പരസ്യത്തിന്റെ കോലവും ശൈലിയും കണ്ട് കലിപ്പ് കേറി ഇട്ട പോസ്റ്റാണിത് കെട്ടോ..
ഞാന്‍ പെണ്ണന്യേഷിച്ച് നടക്കുന്നുവെന്നും പറഞ്ഞ്് ദയവ് ചെയ്ത് എന്റെ പേരന്റ്‌സിന് കോളരുത്.. വീട്ടില്‍ വേള്‍ഡ് വാറും കോള്‍ഡ് വാറും തീര്‍ക്കരുത്..
പ്ലീസ്.... കാല് പിടിക്കാം..(കാര്യം കാണാന്‍  കഴുതക്കാലും പിടിക്കണം ന്നല്ലേ..- ഹിഹി
.........)

Tuesday, March 27, 2012

ശ്രദ്ധിച്ച് ഡ്രൈവണേ അല്ലേലാകെ ഹലാക്കാകും..

ഹെന്റെ കൂട്ടാരന്‍ യാസിര്‍ പാടൂരും കോഴിക്കോട് സിറ്റി ട്രാഫിക് പോലീസും വിസ്മയ ഐടി ആനിമേഷന്‍ ക്ലബ്ബും ചേര്‍ന്ന് ട്രാഫിക് ബോധവല്‍കരണങ്ങള്‍ നടത്തിവരികയാണിപ്പോള്‍... ലെവന്‍ ഗമണ്ടനായി കാര്‍ട്ടൂണ്‍ വരക്കും.. കാര്‍ട്ടൂണ്‍ പ്രദര്‍ശനം, ക്ലബ്ബ് രൂപീകരണം , മാഗസിന്‍ പ്രസിദ്ധീകരണം തുടങ്ങി ഒട്ടേറെ പ്ലാനുകളാണ് ദിവന്റെ മനസ്സില്‍... ഗള്‍ഫിലെ നല്ല ജോലിയും സാലറിയും വേണ്ടെന്ന് വെച്ച്ജീവിതത്തില്‍ എന്തെങ്കിലുമൊക്കെ ആകണമെന്നും ചെയ്യണമെന്നും മനസ്സുറപ്പിച്ച് നടക്കുന്ന പ്രിയ കൂട്ടുകാരന് എന്റെ ബിഗ് സല്യൂട്ട്...
മുഖ്യമന്ത്രി ഉമ്മന്‍ചാണ്ടിയേയും ഒട്ടേറെ മന്ത്രിമാരേയും ഈയാവശ്യാര്‍ഥം കാണാന്‍ ചെന്നിരുന്നു അവന്‍... ഗുരുവായൂരില്‍ തൊഴാന്‍ വന്ന മന്ത്രി ഗണേഷ്‌കുമാറിനേയും ലെവന്‍ വെറുതെ വിട്ടില്ല... മുഴുവന്‍ കാര്‍ട്ടൂണും കാണിച്ച് കൊടുത്തിട്ടേ ദിവനടങ്ങിയുള്ളൂ... ഒടുക്കം മന്ത്രി പറഞ്ഞു.. മോനേ നീ വമ്പനാകും ,.. ഒറപ്പായും വമ്പനാകും.. (മന്ത്രി ഗണേഷ്‌കുമാറിനെ പറ്റി യാസിറിന് നൂറ്‌നാവ്)
ഉറങ്ങിയെഴുന്നേല്‍ക്കുമ്പോഴും ഉറക്കച്ചടവില്ലാത്ത ചിലരുണ്ട്.. ആര്‍ജവവും ഊര്‍ജ്വസ്വലതയും കൈമുതലുള്ളവര്‍... ഹെന്റെ ബ്ലഡിഫ്രണ്ട്‌സെല്ലാം അത്തരം ഗണത്തില്‍ ചേര്‍ക്കാവുന്നവരാണ്.. എന്നിട്ടെന്താടാ കോപ്പേ നീ മാത്രം ഇങ്ങനെയായത് എന്നല്ലേ.. നോക്കിക്കോ.., ഞാനും ഗമണ്ടനാവും.. കള്ളനായിരുന്ന രത്‌നാകരന്‍ വാല്‍മീകി മഹര്‍ഷിയായില്ലേ... വെയ്റ്റ് ചെയ്യ് മക്കളേ .. ഹെനിക്കും വരും ഒരു ടൈം.. മക്കൂന്റെ ബെസ്റ്റ് ടൈം...... അപ്പോള്‍ നാസ്‌തേ നമസ്‌തേ പിസാസ്‌തേ... ടാറ്റാ ബൈ ബൈ..

Sunday, March 25, 2012

ഫില്‍ ഇന്‍ ദ ബ്ലാങ്ക്‌സ്.., ഓകെ


രാഷ്ട്രപതിയെ പറ്റി ഒരു പുറത്തില്‍ കവിയാതെ ഉപന്യസിക്കുക

നമ്മുടെ രാഷ്ട്രത്തിലെ പ്രഥമ പൗര(പൗരി)നാകുന്നു രാഷ്ട്രപതി..
205 ഓളം കോടി ചെലവാക്കി ബന്ധുമിത്രാധി കീൂഷ്മാണ്ടങ്ങളുടെ കൂടെ ടൂറടിക്കലാകുന്നു മുഖ്യ കലാപരിപാടി..

പിന്നെ വധശിക്ഷക്ക് വിധിക്കപ്പെട്ട കൂറേ ബഡ്ക്കൂസുകളുണ്ടല്ലോ നമ്മുടെരാജ്യത്ത്.. ലതുകള്‍ ദയാഹരജി കൊടുക്കല്‍ ഇപ്പറയപ്പെട്ട രാഷ്ട്രപതിയുടെ കയ്യിലാകുന്നു..
ഈ ദയാഹരജി മേടിക്കുന്ന പണിക്കാകുന്നു മാസം ഒന്നര ലക്ഷം രൂഫാ ഖജനാവില്‍ നിന്നും പോയ്‌ക്കൊണ്ടിരിക്കുന്നത്..
ഹിതൊക്കെ പ്രധാനമന്ത്രിക്കോ മറ്റോ ചെയ്താല്‍ പോരേ എന്ന് ചിന്തിക്കാഞ്ഞല്ല.. അപ്പോള്‍ പിന്നെ രാഷ്ട്രപതിയെന്തോന്ന് ചെയ്യും..
(എന്തെങ്കിലും ചെയ്ത് ജീവിച്ചോട്ടെ്ന്ന്)

പിന്നെ വല്ല സംസ്ഥാനങ്ങളും ഉഡായ്പുകള്‍ കാണിച്ചാല്‍ ദതുകളെ പിരിച്ച് വിട്ട് ഭരിക്കേണ്ടത് രാഷ്ട്രപതിയാകുന്നു..
(കോഴിക്ക് മുല വരിക എന്ന് കേട്ടിട്ടില്ലേ.. അക്കാലത്തെ കഥയാണ് പറയുന്നത്)..
അതും സ്പീക്കര്‍ ഭരണമോ മറ്റോ ഏര്‍പ്പെടുത്താവുന്നതേയുള്ളു..
ബട്ട് അപ്പോള്‍ രാഷ്ട്പതിയെന്തോ ചെയ്യും..

പിന്നെ അടിയന്തിരാവസ്ഥ പ്രഖ്യാപിക്കേണ്ടതും രാഷ്ട്രപതിയാകുന്നു..
(ഹീ ഹ ഹാ)

രാഷ്ട്രപതിയാകുന്നു ഇന്ത്യയുടെ സര്‍വ്വസൈന്യാധിപന്‍....(തന്നെയോ.., ഇക്കാര്യം രാഷ്ട്രപതിക്കറിയുമോ എന്തോ)

രാഷ്ട്രപതിയെ സഹായിക്കാന്‍ ഒരു ഉപരാഷ്ട്രപതിയും ഉണ്ടായിരിക്കും..( ഒന്നേക്കാല്‍ ലക്ഷം ശമ്പളം മേടിക്കാന്‍ ഒരാള് വേണ്ടേ ., അതിനാണ് ദിത്)

NB:
മുമ്പത്തെ രാഷ്ട്രപതി സകല സ്‌കൂളുകളിലും കയറിയിറങ്ങി മക്കളേ നിങ്ങള്‍ കിനാവ് കാണണം എന്ന് പറഞ്ഞപ്പോ ഞാന്‍ കരുതി ഹിതായിരിക്കും രാഷ്ട്രപതിയുടെ പണിയെന്ന്..
അതല്ല ടൂറടിക്കലാണെന്ന് ഇപ്പോഴത്തെ രാഷ്ട്രപതി മനസ്സിലാക്കിത്തന്നിരിക്കുന്നു..

പുതിയ രാഷ്ട്രപതി ഇനിയെന്തരക്കെയാണാവോ ചെയ്‌വാന്‍ പോകുന്നത്..

ഒടുക്കം:
ഗോവ, മണിപ്പൂര്‍, പഞ്ചാബ്, യുപി , ഉത്തരഖണ്ഡ്, ഇലക്ഷന്‍ കഴിഞ്ഞു., റിസള്‍ട്ട് വന്നു..
പിറവം കഴിഞ്ഞു., ഇനി നെയ്യാറ്റിന്‍കരയും കഴിയും..
ഗുജറാത്ത് ഇലക്ഷന്‍ വരാന്‍ കിടക്കുന്നു..
രാഷ്ട്പപതി ഇലക്ഷന്‍ നാല്മാസം കഴിഞ്ഞാല്‍...

വിട്ടഭാഗം ഗമണ്ടനായി പൂരിപ്പിക്കുക

ജനാധിപത്യ രാജ്യത്തെ ഏറ്റവും വലിയ ഉല്‍സവം ----------ആകുന്നു.

Wednesday, March 21, 2012

പ്രിയരേ ഒന്ന് ഹെല്‍പ്പണേ മൈ ഫോണ്‍ നമ്പറീസ് ഡബിള്‍ റ്റു ഡബിള്‍ ഫോര്‍ ..


ഇത് അനീതിയാണ് യുവറോണര്‍..

മാധ്യമ സിന്‍ഡിക്കേററ് വ്യക്തമായും ഇവിടെ നിലവിലുണ്ട്.,,,

അല്ലേല്‍ നോക്കൂ .. എന്ത് തെളിവിന്റെ അടിസ്ഥാനത്തിലാണ് കഴുതകള്‍ക്കൊന്നും ബുദ്ധിയില്ലെന്ന് ഇവിടെ സ്ഥാപിക്കപ്പെടുന്നത്..,
കഴുത സമം മണ്ടന്‍ എന്ന തിയറി ഒരു അന്താരാഷ്ട്ര ഗൂഢാലോചനയുടെ ഫലം തന്നെയാണ്..

രാജാവായ സിംഹത്തിന്റെ അടുത്ത് മന്ത്രിയായ കുറുക്കന്‍ കഴുതയെ പറഞ്ഞ് പറ്റിച്ച് കൊണ്ട് വരുന്ന കഥകള്‍ക്കൊക്കെ ് എന്ത് അടിസ്ഥാനമാണുള്ളത് ...

ആ ചരിത്ര , പാത്ര നിര്‍മ്മിതിയില്‍ ആരുടെയൊക്കെയൊ കറുത്ത കരങ്ങള്‍ ഞാന്‍ കാണുന്നുണ്ട്...

അല്ല ., ആരാണ് സിംഹത്തിനെ രാജാവാക്കിയത്..
കുറുക്കനെ മന്ത്രിയാക്കിയത്..കുരങ്ങനെ അസിസ്റ്റന്റ് മിനിസ്റ്ററാക്കിയത്..
കാക്കയെ ചാരത്തലവനാക്കിയത്..

സിംഹം ഇവിടെ ഏത് ഇലക്ഷനിലാണ് മല്‍സരിച്ചത്..
(ഇനി മന്‍മോഹന്‍ സിംഗിനെ പോലെ രാജ്യസഭയിലൂടെ കയറി വന്നതാകുമോ)

രാജാധിപത്യവും സ്വേഛാധിപത്വവും (കൊളോണിയലിസ്റ്റ് ചിന്താ സരണികളും) ഒടുങ്ങിത്തുടങ്ങുന്ന ഇക്കാലത്ത് ഇമ്മാതിരി കഥകള്‍ നിരോധിക്കണം യുവറോണര്‍.....

പണ്ട് പണ്ട് രാജാവുണ്ടായിരുന്നു..
രാജകുമാരനുണ്ടായിരുന്നു...
വേറെ ഒരു രാജകുമാരിയും..
അവര്‍ തമ്മില്‍ ഗമണ്ടന്‍ പ്രണയമായിരുന്നു...
എന്നൊക്കെ കഥ പറഞ്ഞ് കുഞ്ഞ് കുട്ടികളുടെ മനസ്സില്‍ രാജാധിപത്യാനുകൂലമായ മനസ്ഥിതി ഉണ്ടാക്കാനുള്ള ബ്ലഡി ഓള്‍ഡ്‌സിന്റെ ഗൂഢ നീക്കങ്ങളേയും തടുക്കാന്‍ ബഹുമാനപ്പെട്ട കോടതി ഉടനടി വേണ്ടത് ചെയ്യണമെന്ന് അഭ്യര്‍ഥിക്കുന്നു...

NB:
ഓരോ ജീവി വര്‍ഗങ്ങളും വംശനാശം നേരിട്ട് കൊണ്ടിരിക്കുകയാണത്രെ ...
തുമ്പി, പൂമ്പാറ്റ, അണ്ണാറക്കണ്ണന്‍.. അങ്ങനെയങ്ങനെ.....

ബട്ട് എന്ത്‌കൊണ്ടാകും കാക്കകള്‍ക്ക് മാത്രം വംശനാശം സംഭവിക്കാത്തത്...

ഒരാഴ്ച്ചക്കാലമായി ഈ ചോദ്യമെന്നെ ഹലാക്കാക്കി കൊണ്ടിരിക്കുന്നു..

നിങ്ങള്‍ക്കെങ്ങാനും ആന്‌സ്വര്‍ കിട്ടിയാല്‍ ഒന്നറിയിക്കണേ..
മൈ ഫോണ്‍ നമ്പറീസ് ഡബിള്‍ റ്റു ഡബിള്‍ ഫോര്‍ ..